SUN குழுமத்திலிருந்து வெளிவரும் காலை நாளிதழ்

அரசு புறம்போக்கு நிலத்தை ஆக்கிரமித்து வீடு கட்டியதாக நடிகர் மன்சூர் அலிகான் வீட்டுக்கு சீல் : மாநகராட்சி நடவடிக்கை

2021-10-23@ 15:38:08

சென்னை: நடிகர் மன்சூர் அலிகான் அரசு புறம்போக்கு நிலத்தை ஆக்கிரமித்து வீடு கட்டியிருப்பதால் வீட்டை பூட்டி சீல் வைத்து மாநகராட்சி சார்பில் நோட்டீஸ் ஒட்டியுள்ளனர். சென்னை, சூளைமேடு பெரியார் பாதை மேற்கில் நடிகர் மன்சூர் அலிகான் வீடு அமைந்துள்ளது. இந்த வீட்ைட கடந்த 18 ஆண்டுகளுக்கு முன் 2400 சதுர அடி நிலத்தை அப்பாவு மற்றும் அவரது மகன் பாரி ஆகியோரிடம் இருந்து அவர் வாங்கியுள்ளார். பிறகு அது அரசு புறம்போக்கு நிலம் என்று தெரியவந்துள்ளது. இதையடுத்து, கடந்த 2019ம் ஆண்டு அரசு புறம்போக்கு நிலத்தை தன்னிடம் விற்ற நபர்கள் மீது உரிய நடவடிக்கை எடுக்க வேண்டும் என்று நடிகர் மன்சூர் அலிகான் காவல் நிலையத்தில் புகார் அளித்துள்ளார்.

அவர் அளித்த புகாரின் அடிப்படையில் விசாரணை நடைபெற்று வந்தது. பின்னர் மன்சூர் அலிகான் 2019ம் ஆண்டு நீதிமன்றத்தில் வழக்கும் தொடர்ந்தார். இந்த வழக்கை நீதிமன்றம் அப்போதே தள்ளுபடி ெசய்து உத்தரவிட்டது.  மேலும் புறம் போக்கு நிலத்தை மீட்க மாநகராட்சி அதிகாரிகளுக்கு உத்தரவிடப்பட்டிருந்தது. இந்நிலையில் புறம்போக்கு நிலத்தை மீட்க சொல்லிய உத்தரவின் பேரில் மண்டலம் 8, கோட்டம் 105, மாநகராட்சி அதிகாரிகளால் திடீரென இன்று காலை சூளைமேடு, பெரியார் பாதையில் உள்ள நடிகர் மன்சூர் அலிகான் வீட்டிற்கு வந்து கதவை பூட்டி சீல் வைத்து நோட்டீஸ் ஒட்டி விட்டு சென்றனர்.

மேலும் செய்திகள்

Like Us on Facebook Dinkaran Daily News
  • BIPIN RAWAT

    முப்படை தலைமை தளபதி பிபின் ராவத் உருவப் படத்திற்கு ஆளுநர் ஆர்.என் ரவி மலர் தூவி அஞ்சலி செலுத்தினர்

  • BlackBox_Helicopter_Coonoor

    குன்னூரில் விபத்துக்குள்ளான ராணுவ ஹெலிகாப்டரின் கருப்பு பெட்டி கண்டெடுப்பு

  • MK Stalin_Wellington_Army officials_helicopter_crash

    வெலிங்டனில் முதலமைச்சர் மு.க.ஸ்டாலின்: ஹெலிகாப்டர் விபத்து குறித்து ராணுவ அதிகாரிகள் விளக்கம்

  • Vaikunda Ekadasi

    பூலோக வைகுண்டத்தில் வைகுண்ட ஏகாதசி பகல்பத்து உற்சவத்தின் 6ம் திருநாள்.

  • burundi-fire-8

    புரூண்டி நாட்டில் சிறையில் பயங்கர தீ விபத்து: 38 கைதிகள் தீயில் கருதி உயிரிழப்பு

படங்கள் வீடியோ கல்வி சினிமா ஜோ‌திட‌ம்