SUN குழுமத்திலிருந்து வெளிவரும் காலை நாளிதழ்

கொத்தடிமையாக வேலை பார்த்த 25 சிறுவர்கள் விருதுநகரில் மீட்பு: சொந்த ஊருக்கு அனுப்ப ஏற்பாடு

2021-10-22@ 19:19:04

விருதுநகர்: விருதுநகர் அருகே உள்ள ஒரு தனியார் மில்லில் வடமாநிலங்களை சேர்ந்த 25 சிறுவர்கள் சித்ரவதை செய்யப்படுவதாக குஜராத் மாநிலம் அகமதாபாத்தில் உள்ள தலித் பவுண்டேஷன் அமைப்பிற்கு தகவல் சென்றுள்ளது. அங்கிருந்து அளித்த தகவலின்படி, விருதுநகர் மாவட்ட தலித் பவுண்டேஷன் அமைப்பினர் நேற்று அந்த மில்லுக்கு சென்றனர். ஆனால் அவர்களை, நிறுவனத்திற்கு நுழைய அனுமதிக்கவில்லை. இதையடுத்து அமைப்பின் நிர்வாகி கந்தசாமி திருவில்லிபுத்தூர் மாவட்ட நீதிமன்ற சட்டப்பணிகள் ஆணைக்குழு செயலருக்கு மனு அளித்தார். அதில், ‘‘தனியார் மில்லில் பணியாற்றும் சட்டீஸ்கர் மாநில பட்டியல் இனத்தை சார்ந்த 25 தொழிலாளர்களை அதிகப்படியான வேலை வாங்கி, குறைவான ஊதியம் வழங்கி உள்ளனர்.

முறையற்ற குடியிருப்பில் தங்க வைத்து சித்ரவதை செய்து வருகின்றனர். சட்டீஸ்கர் மாநில தலித் அமைப்பின் தன்னார்வலர் தேவேந்திரபகில் அனுப்பிய ஆதாரத்தின் அடிப்படையில் மனு அளிக்கிறோம். வடமாநில தொழிலாளர்களை மீட்டு அவர்களுக்கான நீதியும், நிவாரணமும் வழங்க வேண்டும். நிறுவனத்தின் மீது வன்கொடுமை சட்டப்பிரிவு, கொத்தடிமை ஒழிப்பு சட்டம், மனித கடத்தல் சட்டம், குழந்தை தொழிலாளர் சட்டப்படி வழக்குப்பதிவு செய்ய வேண்டும்’’ என தெரிவித்திருந்தனர். இதையறிந்த தனியார் நிறுவனம் நேற்றிரவு, 25 சிறுவர்களையும் விருதுநகர் ரயில் நிலையத்தில் கொண்டு விட்டுச் சென்றது. ஊர் திரும்ப வழியின்றி 25 பேரும் தவித்தனர். தகவலறிந்த கந்தசாமி, தேசிய குழந்தை தொழிலாளர் திட்ட அலுவலர் நாராயணசாமி, டிஎஸ்பி அர்ச்சனா, தாசில்தார் செந்தில்வேல் ஆகியோர் நேரில் வந்து விசாரித்தனர். தொடர்ந்து அவர்களுக்கான உணவு, குடிநீர் வழங்கி சொந்த ஊருக்கு அனுப்ப ஏற்பாடு செய்து வருகின்றனர்.

மேலும் செய்திகள்

Like Us on Facebook Dinkaran Daily News
  • BIPIN RAWAT

    முப்படை தலைமை தளபதி பிபின் ராவத் உருவப் படத்திற்கு ஆளுநர் ஆர்.என் ரவி மலர் தூவி அஞ்சலி செலுத்தினர்

  • BlackBox_Helicopter_Coonoor

    குன்னூரில் விபத்துக்குள்ளான ராணுவ ஹெலிகாப்டரின் கருப்பு பெட்டி கண்டெடுப்பு

  • MK Stalin_Wellington_Army officials_helicopter_crash

    வெலிங்டனில் முதலமைச்சர் மு.க.ஸ்டாலின்: ஹெலிகாப்டர் விபத்து குறித்து ராணுவ அதிகாரிகள் விளக்கம்

  • Vaikunda Ekadasi

    பூலோக வைகுண்டத்தில் வைகுண்ட ஏகாதசி பகல்பத்து உற்சவத்தின் 6ம் திருநாள்.

  • burundi-fire-8

    புரூண்டி நாட்டில் சிறையில் பயங்கர தீ விபத்து: 38 கைதிகள் தீயில் கருதி உயிரிழப்பு

படங்கள் வீடியோ கல்வி சினிமா ஜோ‌திட‌ம்