SUN குழுமத்திலிருந்து வெளிவரும் காலை நாளிதழ்

கோவையில் மதுபானம் கலந்து போதை ஐஸ்கிரீம் விற்ற பார்லருக்கு சீல் வைப்பு

2021-10-22@ 00:05:14

கோவை: கோவை பாப்பநாயக்கன்பாளையம் அவினாசி ரோட்டில் பிரபலமான ஐஸ்கிரீம் பார்லர் இயங்கி வருகிறது. இந்த பார்லரில்  மதுபானம் கலந்து போதை ஐஸ்கிரீம் விற்கப்படுவதாக கோவை மாவட்ட கலெக்டர் சமீரனுக்கு புகார் மனுக்கள் வந்தன. இதையடுத்து, கோவை மாவட்ட உணவு பாதுகாப்பு துறை நியமன அலுவலர் தமிழ்செல்வன் தலைமையிலான அதிகாரிகள் நேற்று முன்தினம் அந்த பார்லரில் அதிரடி ஆய்வு  மேற்கொண்டனர். அப்போது, மதுபானம் கலந்து போதை ஐஸ் கிரீம் விற்பது  கண்டுபிடிக்கப்பட்டது. இந்த கடையில் இருந்து மது பாட்டில்களும் பறிமுதல்  செய்யப்பட்டன. இதையடுத்து, ஐஸ்கிரீர் பார்லருக்கு அதிகாரிகள் சீல் வைத்தனர். கடை  லைசென்சையும் அதிரடியாக ரத்து செய்து உத்தரவிட்டனர்.

இது பற்றி உணவுப்பொருள் பாதுகாப்பு துறை அதிகாரிகள் கூறியதாவது: இந்த பார்லரில் இருந்து காலாவதியான உணவுப்பொருட்கள் கண்டறியப்பட்டு, பினாயில் ஊற்றி அழிக்கப்பட்டன. உணவுப்பொருட்களை  கையாளும் நபர்கள் மருத்துவ தகுதிச்சான்று பெறவில்லை, முறையாக முகக்கவசம்,  கையுறை அணியவில்லை. உணவு தயாரிக்கும் இடம் சுகாதாரம் இன்றி உள்ளது. இதுபோன்ற குறைபாடு காரணமாக இக்கடையின் உரிமம்  ரத்து செய்யப்பட்டு, கடைக்கு சீல் வைக்கப்பட்டுள்ளது. தொடர்ந்து,  மேல்நடவடிக்கைக்கு பரிந்துரைக்கப்பட்டுள்ளது. இவ்வாறு அதிகாரிகள் கூறினர்.

மேலும் செய்திகள்

Like Us on Facebook Dinkaran Daily News
  • Tribute_MKStalin_Pipin Rawat

    முப்படைத் தலைமை தளபதி பிபின் ராவத் உடலுக்கு தமிழ்நாடு முதல்வர் மு.க.ஸ்டாலின் நேரில் அஞ்சலி: வெலிங்டன் மைதானத்தில் இருந்து உடல்கள் சூலூர் புறப்பட்டது

  • BIPIN RAWAT

    முப்படை தலைமை தளபதி பிபின் ராவத் உருவப் படத்திற்கு ஆளுநர் ஆர்.என் ரவி மலர் தூவி அஞ்சலி செலுத்தினர்

  • BlackBox_Helicopter_Coonoor

    குன்னூரில் விபத்துக்குள்ளான ராணுவ ஹெலிகாப்டரின் கருப்பு பெட்டி கண்டெடுப்பு

  • MK Stalin_Wellington_Army officials_helicopter_crash

    வெலிங்டனில் முதலமைச்சர் மு.க.ஸ்டாலின்: ஹெலிகாப்டர் விபத்து குறித்து ராணுவ அதிகாரிகள் விளக்கம்

  • Vaikunda Ekadasi

    பூலோக வைகுண்டத்தில் வைகுண்ட ஏகாதசி பகல்பத்து உற்சவத்தின் 6ம் திருநாள்.

படங்கள் வீடியோ கல்வி சினிமா ஜோ‌திட‌ம்