SUN குழுமத்திலிருந்து வெளிவரும் காலை நாளிதழ்

கோடநாடு வழக்கில் தொடர்புடைய ஜெயலலிதா முன்னாள் கார் ஓட்டுநர் மரண வழக்கை மீண்டும் விசாரிக்க சேலம் மாவட்ட எஸ்.பி. அதிரடி உத்தரவு..!!

2021-10-21@ 16:52:01

சேலம்: மறைந்த முன்னாள் முதலமைச்சர் ஜெயலலிதாவின் முன்னாள் கார் ஓட்டுநர் கனகராஜ் உயிரிழந்த வழக்கை சேலம் போலீசார் மீண்டும் விசாரிக்க மாவட்ட எஸ்.பி. உத்தரவிட்டிருப்பதால் பரபரப்பு ஏற்பட்டுள்ளது. ஜெயலலிதா மற்றும் சசிகலாவுக்கு சொந்தமான கோடநாடு எஸ்டேட்டில் கடந்த 2017ம் ஆண்டு ஏப்ரல் 23ம் தேதி கொலை மற்றும் கொள்ளை சம்பவம் நடைபெற்றது. இந்த வழக்கில் முக்கிய குற்றவாளியாக சேர்க்கப்பட்ட ஜெயலலிதாவின் முன்னாள் கார் ஓட்டுநர் கனகராஜ் அடுத்த 5 தினங்களில் சேலம் மாவட்டம் ஆத்தூர் அருகே தென்னங்குடி பாளையம் என்ற இடத்தில் இருசக்கர வாகனத்தில் சென்ற போது கார் மோதி உயிரிழந்தார். இது தொடர்பாக ஆத்தூர் போலீசார் வழக்குப்பதிவு செய்து விசாரணை மேற்கொண்டனர்.

ஆனால் கனகராஜ் விபத்தில் இறக்கவில்லை என்றும் அவரது மரணத்தில் சந்தேகம் இருப்பதாகவும் அவரது சகோதரர் தனபால் மற்றும் அவரது மனைவி கலைவாணி ஆகியோர் தொடர்ந்து குற்றம் சாட்டி வந்தனர். இந்நிலையில் கோடநாடு கொலை, கொள்ளை குறித்து மேல்விசாரணை நடத்தும் தனிப்படை போலீசார் கனகராஜ் மரணம் குறித்தும் விசாரணை நடத்தி வருகின்றனர். இதனிடைய கனகராஜ் மரணம் குறித்த வழக்கை விபத்து நடந்த இடத்தின் அருகே உள்ள ஆத்தூர் காவல்நிலைய போலீசாரும் மீண்டும் விசாரிக்க சேலம் மாவட்ட காவல்துறை கண்காணிப்பாளர் ஸ்ரீ அபிநவ் உத்தரவிட்டிருப்பதால் பரபரப்பு ஏற்பட்டுள்ளது.

மேலும் செய்திகள்

Like Us on Facebook Dinkaran Daily News
  • tngovt05

    சென்னை துறைமுகம் சட்டமன்ற தொகுதியில் வசிக்கும் 250 வசிக்கும் குடும்பங்களுக்கு இலவச அரிசி மளிகை பொருட்கள் மற்றும் தலா ஆயிரம் ரூபாய் உதவி தொகை வழங்கப்பட்டது.

  • Chennai 05

    சென்னையில் அதிக பனி பொழிவில் செல்லும் வாகனங்கள்

  • Governer

    கடற்படை தினத்தையொட்டி சென்னை தீவுத்திடல் உள்ள போர் நினைவு சின்னத்தில் கவர்னர் ஆர்.என்.ரவி மரியாதை

  • planet Vaikundam

    ஜொலிக்கும் பூலோக வைகுண்டம்

  • 04-12-2021

    04-12-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்