SUN குழுமத்திலிருந்து வெளிவரும் காலை நாளிதழ்

மாம்பழத்துறையாறு அணை பகுதியில் முளைவிட்ட 2 ஆயிரம் ஏக்கர் நெற்பயிர்கள்

2021-10-18@ 14:17:50

நாகர்கோவில்: குமரி மாவட்டத்தில் தொடர்ந்து பெய்து வரும் மழை காரணமாக மாம்பழத்துறையாறு அணை பகுதியில் சுமார் 2 ஆயிரம் ஏக்கருக்கு மேல் நெற்பயிர்கள் அறுவடை செய்ய முடியாமல் மூழ்கியது. மாவட்டத்தில் கன்னிப்பூ சாகுபடி நிறைவு பெற்று கும்பப்பூ சாகுபடி பணிகள் தொடங்கப்பட்ட நிலையில் பல இடங்களிலும் கன்னிப்பூ அறுவடையே நிறைவு பெறவில்லை. இந்தநிலையில் கடந்த வாரத்தில் புயல் மழை காரணமாகவும், தற்போது அரபிக்கடலில் உருவான குறைந்த காற்றழுத்த தாழ்வுநிலை காரணமாகவும் தொடர்ந்து மழை பெய்து வருகிறது.

இடைவெளியின்றி பெய்த இந்த மழையின் காரணமாக பல பகுதிகளிலும் நெல் வயல்களில் அறுவடை செய்ய முடியாத நிலை விவசாயிகளுக்கு ஏற்பட்டுள்ளது. இதில் வில்லுக்குறி அருகே மாம்பழத்துறையாறு அணை பகுதியில் பிபி சானல், புல்லான்கோணகுளம் மடை ஏலா உட்பட சுற்றுவட்டார பகுதிகளில் சுமார் 2 ஆயிரம் ஏக்கர் நெற்பயிர்கள் வெள்ளத்தால் மூழ்கியுள்ளன. அறுவடைக்கு காத்திருந்த நெற்பயிர்கள் அறுவடை செய்ய முடியாத நிலை ஏற்பட்டது விவசாயிகளை கவலைகொள்ள செய்துள்ளது.

இது தொடர்பாக பாதிக்கப்பட்ட விவசாயி ராமசாமி பிள்ளை கூறுகையில், ‘தொடர்ந்து பெய்து வந்த மழை காரணமாக வயல்கள் அறுவடை செய்ய முடியாத நிலை ஏற்பட்டது. இதனால் நெற்பயிர் வயலிலேயே முளைத்துவிட்டது. இதனால் எனக்கும் என்னைப்போன்ற விவசாயிகளுக்கும் ெபரும் இழப்பு ஏற்பட்டுள்ளது’ என்றார்.

மேலும் செய்திகள்

Like Us on Facebook Dinkaran Daily News
  • BIPIN RAWAT

    முப்படை தலைமை தளபதி பிபின் ராவத் உருவப் படத்திற்கு ஆளுநர் ஆர்.என் ரவி மலர் தூவி அஞ்சலி செலுத்தினர்

  • BlackBox_Helicopter_Coonoor

    குன்னூரில் விபத்துக்குள்ளான ராணுவ ஹெலிகாப்டரின் கருப்பு பெட்டி கண்டெடுப்பு

  • MK Stalin_Wellington_Army officials_helicopter_crash

    வெலிங்டனில் முதலமைச்சர் மு.க.ஸ்டாலின்: ஹெலிகாப்டர் விபத்து குறித்து ராணுவ அதிகாரிகள் விளக்கம்

  • Vaikunda Ekadasi

    பூலோக வைகுண்டத்தில் வைகுண்ட ஏகாதசி பகல்பத்து உற்சவத்தின் 6ம் திருநாள்.

  • burundi-fire-8

    புரூண்டி நாட்டில் சிறையில் பயங்கர தீ விபத்து: 38 கைதிகள் தீயில் கருதி உயிரிழப்பு

படங்கள் வீடியோ கல்வி சினிமா ஜோ‌திட‌ம்