SUN குழுமத்திலிருந்து வெளிவரும் காலை நாளிதழ்

தொழிலாளர் தினம், காந்தி ஜெயந்திக்கு லீவ் கிடையாது!: புதுச்சேரியில் 2022ம் ஆண்டிற்கான அரசு விடுமுறை பட்டியல் வெளியீடு..!!

2021-10-13@ 15:56:38

புதுச்சேரி: புதுச்சேரியில் அடுத்த ஆண்டிற்கான அரசு விடுமுறை பட்டியலில் இருந்து மே 1 தொழிலாளர் தினம் மற்றும் அக்டோபர் 2 காந்தி ஜெயந்திக்கான அரசு விடுமுறை ரத்து செய்யப்பட்டுள்ளது சர்ச்சையை ஏற்படுத்தியுள்ளது. ஆண்டுதோறும் அரசு விடுமுறை நாட்கள் பட்டியலை புதுச்சேரி அரசு வெளியிடும். அதன்படி, 2022ம் ஆண்டிற்கான அரசு விடுமுறை பட்டியல் தற்போது வெளியிடப்பட்டுள்ளது. இந்த பட்டியலில் மே 1 தொழிலாளர் தினம் மற்றும் அக்டோபர் 2 காந்தி ஜெயந்தி சேர்க்கப்படவில்லை. இது தொழிலாளர்களுக்கு எதிராக அரசு செயல்படுவதாக குற்றச்சாட்டு எழுந்துள்ளது. தொழிலாளர்கள் போராடி பெற்ற உரிமைகளை கொண்டாடும் வகையில் ஒவ்வொரு ஆண்டும் மே 1ம் தேதி தொழிலாளர் தினமாக அறிவிக்கப்பட்டு, அன்று நாடு முழுவதும் விடுமுறை அளிக்கப்படுகிறது.

இந்நிலையில், தொழிலாளர் தினத்தில் விடுமுறை அளிக்காதது தொழிலாளர்களுக்கு எதிராக அரசு செயல்படுவதற்கு சான்றாகும் என்று தொழிற்சங்கத்தினர் கடும் கண்டனம் தெரிவித்துள்ளனர். இதற்கிடையே, தொழிலாளர் தினம், காந்தி ஜெயந்தி ஆகிய இரு நாட்களும் ஞாயிற்றுக்கிழமைகளில் வருவதால் அரசு விடுமுறை பட்டியலில் இருந்து நீக்கப்பட்டுள்ளதாக அரசு சார்பு செயலர் கிரண் வெளியிட்டுள்ள உத்தரவில் குறிப்பிடப்பட்டுள்ளது.

துணைநிலை ஆளுநரின் உத்தரவுப்படியே இந்த பட்டியல் வெளியிடப்பட்டுள்ளதாகவும் தெரிவிக்கப்பட்டுள்ளது. ஞாயிற்றுக்கிழமைகளில் வரும் அரசு விடுமுறை தினங்களை ரத்து செய்வது வழக்கமான நடைமுறை தான் எனவும் உயரதிகாரிகள் கூறுகின்றனர். இருப்பினும் 2 தினங்கள் விடுமுறை பட்டியலில் இருந்து நீக்கப்பட்டுள்ளதால் சர்ச்சை எழுந்துள்ளது. முந்தைய ஆண்டுகளை போல 2022ம் ஆண்டிலும் மே 1ம் தேதி தொழிலாளர் தின விடுமுறையை அறிவிக்க வேண்டும் எனவும் கோரிக்கை விடுக்கப்பட்டிருக்கிறது.

மேலும் செய்திகள்

Like Us on Facebook Dinkaran Daily News
  • omicron virus

    ஓமைக்ரான் கொரோனா வைரஸ் அச்சுறுத்தல் காரணமாக உலக நாடுகளில் விமான நிலையங்களில் பல்வேறு கட்டுப்பாடுகள் விதிப்பு

  • parliament session 01

    பார்லி. கூட்டத்தில் எதிர்கட்சிகள் வௌிநடப்பு: இறந்த விவசாயிகளின் விபரம் இல்லை: ஒன்றிய அரசின் தகவலால் அதிர்ச்சி

  • mkstalin_011221

    கனமழையால் பாதிக்கப்பட்ட செம்மஞ்சேரி பகுதிகளில் 2வது நாளாக முதல்வர் மு.க.ஸ்டாலின் ஆய்வு: நிவாரண உதவிகள் வழங்கினார்

  • delhi-air-1

    மூச்சுவிட முடியல: டெல்லியில் தொடர்ந்து நீடிக்கும் காற்று மாசால் அல்லல்படும் மக்கள்..!!

  • aids-1

    வாழ்க்கை அழகானது அதை ஆள்கொல்லிக்கு கொடுத்துவிடாதே!: உலக எய்ட்ஸ் தினத்தை முன்னிட்டு விழிப்புணர்வு ஏற்படுத்தும் பொதுமக்கள்..!!

படங்கள் வீடியோ கல்வி சினிமா ஜோ‌திட‌ம்