SUN குழுமத்திலிருந்து வெளிவரும் காலை நாளிதழ்

தீபாவளி நெருங்கி வரும் நிலையில் தங்கம் சவரனுக்கு ரூ.200 அதிகரிப்பு: நகை வாங்குவோர் அதிர்ச்சி

2021-10-10@ 00:06:00

சென்னை: தீபாவளி பண்டிகை நெருங்கி வரும் நிலையில், தங்கம் விலை உயர்ந்து வருவது நகை வாங்குவோரை அதிர்ச்சியில் ஆழ்த்தியுள்ளது. நேற்று மட்டும் சவரனுக்கு ரூ.200 அதிகரித்தது. தங்கம் விலை கடந்த 4 மாதமாக ஏற்றம், இறக்கத்துடன் காணப்பட்டு வருகிறது. சில நாட்களில் அதிரடியாக உயர்ந்தும் வந்தது. இந்த நிலையற்ற தன்மையால், அவசரப்பட்டு நகை வாங்கினால், எங்கே மறுநாள் விலை குறைந்து விடுமோ என்ற அச்சமும் மக்களிடையே நிலவி வந்தது.  இந்நிலையில் கடந்த 7ம் தேதி ஒரு கிராம் தங்கம் ரூ.4,408க்கும், சவரன் ரூ.35,264க்கும் விற்கப்பட்டது. நேற்று முன்தினம் கிராமுக்கு ரூ.5 அதிகரித்து ஒரு கிராம் ரூ.4,413க்கும், சவரனுக்கு ரூ.40 அதிகரித்து ஒரு சவரன் ரூ.35,304க்கும் விற்கப்பட்டது.

நேற்று யாரும் எதிர்பார்க்காத வகையில் தங்கம் விலை அதிரடியாக உயர்ந்தது. கிராமுக்கு ரூ.25 அதிகரித்து ஒரு கிராம் ரூ.4,438க்கும், சவரனுக்கு ரூ.200 அதிகரித்து ஒரு சவரன் ரூ.35,504க்கும் விற்கப்பட்டது. அதே நேரத்தில் தொடர்ச்சியாக 2 நாட்களில் மட்டும் சவரன் ரூ.248 அதிகரித்துள்ளது. வரும் நாட்களில் நவராத்திரி பண்டிகை, தீபாவளி உள்ளிட்ட பண்டிகை நாட்கள் வருகிறது. இந்த நேரத்தில் விலை உயர்ந்துள்ளது நகை வாங்குவோரை சற்று அதிர்ச்சியடைய வைத்துள்ளது. இன்று ஞாயிற்றுக்கிழமை தங்கம் மார்க்கெட்டுக்கு விடுமுறை. அதனால், நேற்றைய விலையில் இன்று தங்கம் விற்பனையாகும். நாளை மார்க்கெட் தொடங்கிய பின்னர் விலையில் என்ன மாற்றம் ஏற்பட போகிறது என்பது தெரியவரும்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்