SUN குழுமத்திலிருந்து வெளிவரும் காலை நாளிதழ்

ஜெய்ஸ்வால், லோம்ரர் அதிரடி பஞ்சாப் கிங்சை வீழ்த்தியது ராயல்ஸ்

2021-09-22@ 01:08:44

துபாய்: பஞ்சாப் கிங்ஸ் அணியுடனான ஐபிஎல் டி20 லீக் ஆட்டத்தில், ராஜஸ்தான் ராயல்ஸ் அணி 2 ரன் வித்தியாசத்தில் வென்றது. துபாய் சர்வதேச கிரிக்கெட் ஸ்டேடியத்தில் நேற்று இரவு நடந்த இப்போட்டியில், டாஸ் வென்ற பஞ்சாப் கிங்ஸ் முதலில் பந்துவீசியது. ராயல்ஸ் தொடக்க வீரர்கள் எவின் லூயிஸ் - யாஷஸ்வி ஜெய்ஸ்வால் ஜோடி, முதல் விக்கெட்டுக்கு 5.3 ஓவரில் 54 ரன் சேர்த்து நல்ல அடித்தளம் அமைத்தது. லூயிஸ் 36 ரன் (21 பந்து, 7 பவுண்டரி, 1 சிக்சர்) விளாசி அர்ஷ்தீப் பந்துவீச்சில் மயாங்க் வசம் பிடிபட்டார். கேப்டன் சஞ்சு சாம்சன் 4 ரன்னில் வெளியேற, 3வது விக்கெட்டுக்கு ஜெய்ஸ்வால் - லிவிங்ஸ்டோன் 48 ரன் சேர்த்தனர். லிவிங்ஸ்டோன் 25 ரன், ஜெய்ஸ்வால் 49 ரன் (36 பந்து, 6 பவுண்டரி, 2 சிக்சர்) விளாசி பெவிலியன் திரும்பினர்.

5வது வீரராகக் களமிறங்கிய மஹிபால் லோம்ரர் சிக்சர்களாகப் பறக்கவிட்டு அமர்க்களப்படுத்த ராஜஸ்தான் ஸ்கோர் எகிறியது. ரியான் பராக் 4 ரன்னில் வெளியேற, லோம்ரர் 17 பந்தில் 43 ரன் (2 பவுண்டரி, 4 சிக்சர்) விளாசி அர்ஷ்தீப் பந்துவீச்சில் மார்க்ரம் வசம் கேட்ச் கொடுத்து ஆட்டமிழந்தார். கடைசி கட்டத்தில் திவாதியா 2, மோரிஸ் 5, சகாரியா 7, கார்த்திக் தியாகி 1 ரன்னில் விக்கெட்டை பறிகொடுத்து அணிவகுத்தனர். ராஜஸ்தான் 20 ஓவரில் 185 ரன்னுக்கு ஆல் அவுட்டானது. பஞ்சாப் பந்துவீச்சில் அர்ஷ்தீப் 4 ஓவரில் 32 ரன் விட்டுக்கொடுத்து 5 விக்கெட் கைப்பற்றினார்.

ஷமி 3, போரெல், பிரார் தலா 1 விக்கெட் வீழ்த்தினர். ராஜஸ்தான் 19 ரன்னுக்கு கடைசி 6 விக்கெட்டை இழந்தது குறிப்பிடத்தக்கது. அடுத்து களமிறங்கிய பஞ்சாப் கிங்ஸ், 20 ஓவரில் 4 விக்கெட் இழப்புக்கு 183 ரன் எடுத்து 2 ரன் வித்தியாசத்தில் தோல்வியைத் தழுவியது. மயாங்க் அதிகபட்சமாக 67 ரன் (43 பந்து, 7 பவுண்டரி, 2 சிக்சர்) விளாசினார். ராகுல் 49 ரன், நிகோலஸ் 32 ரன் எடுத்தனர். ராயல்ஸ் பந்துவீச்சில் கார்த்திக் தியாகி 2 விக்கெட், சகாரியா, ராகுல் தலா ஒரு விக்கெட் வீழ்த்தினர்.

Like Us on Facebook Dinkaran Daily News
  • ncc-modi-medal-28

    டெல்லியில் என்.சி.சி. மாணவர்கள் அணிவகுப்பு நிகழ்ச்சி!: பிரதமர் நரேந்திர மோடி பங்கேற்பு..சிறந்து விளங்கிய மாணவர்களுக்கு பதக்கம் வழங்கினார்..!!

  • Srirangam_Temple_Elephant_Andal_Lakshmi

    ஸ்ரீரங்கம் கோவில் யானைகள் நடை பயிற்சிக்கான நீள பாதை மற்றும் குளியல் தொட்டி பயன்பாட்டிற்கு வந்தது: கும்மாளம் போடும் ஆண்டாள் மற்றும் லெட்சுமி

  • flag-drones-display-27

    காந்தியடிகள்..இந்திய வரைபடம்..தேசிய கொடியின் வடிவம்!: ஆயிரம் டிரோன்கள் மூலம் வானில் நிகழ்த்தப்பட்ட வர்ணஜாலம்..!!

  • trainnnnnjobbb

    ரயில்வே தேர்வு முறைேகட்டை எதிர்த்து போராட்டம்: பீகாரில் எக்ஸ்பிரஸ் ரயிலுக்கு தீ வைப்பு ..

  • oil-hair-peru-27

    சுற்றுச்சூழலை பாதுகாப்போம்!: கடலில் கசிந்த எண்ணெயை அகற்ற தலைமுடியை தானம் செய்யும் பெரு நாட்டவர்..!!

படங்கள் வீடியோ கல்வி சினிமா ஜோ‌திட‌ம்