SUN குழுமத்திலிருந்து வெளிவரும் காலை நாளிதழ்

யூரோ கோப்பை கால்பந்து: 2வது முறையாக இத்தாலி சாம்பியன்

2021-07-13@ 00:25:53

லண்டன்: யூரோ கோப்பை கால்பந்து தொடரின் இறுதிப் போட்டியில், இங்கிலாந்து அணியை பெனால்டி ஷூட் அவுட்டில் 3-2 என்ற கோல் கணக்கில் வீழ்த்திய இத்தாலி அணி 2வது முறையாக சாம்பியன் பட்டம் வென்றது. லண்டன், வெம்ப்ளி ஸ்டேடியத்தில் நேற்று நடந்த இப்போட்டியில், இங்கிலாந்து வீரர் லூக் ஷா 2வது நிமிடத்திலேயே அபாரமாக கோல் அடித்து அந்த அணிக்கு முன்னிலை கொடுத்தார். பந்தை கடத்திச் செல்வதிலும், கட்டுப்பாட்டில் வைத்திருப்பதிலும் மிகச்  சிறப்பாக செயல்பட்ட இத்தாலி வீரர்களால், இங்கிலாந்து தற்காப்பு அரணை  முறியடித்து கோல் அடிக்க முடியவில்லை. இடைவேளை வரை இதே நிலை நீடித்தது.

இரண்டாவது பாதியில் தாக்குதலை தீவிரப்படுத்திய இத்தாலி அணிக்கு, 67வது நிமிடத்தில் லியோனார்டோ போனுக்சி கோல் அடித்து 1-1 என சமநிலை ஏற்படுத்தினார். மேற்கொண்டு கோல் ஏதும் விழாததால் கூடுதல் நேரம் வழங்கப்பட்டது. அதிலும் இரு அணிகளும் கோல் அடிக்கத் தவறியதை அடுத்து, வெற்றியாளரை தீர்மானிக்க பெனால்டி ஷூட் அவுட் கடைப்பிடிக்கப்பட்டது. இரு அணிகளுக்கும் தலா 5 வாய்ப்புகள் வழங்கப்பட்ட நிலையில், இத்தாலி 3-2 என்ற கணக்கில் வெற்றியை வசப்படுத்தி 2வது முறையாக யூரோ கோப்பையை முத்தமிட்டது. 55 ஆண்டுகளாக பெரிய தொடர் எதிலும் சாம்பியன் பட்டம் வெல்ல முடியாமல் தவித்து வரும் இங்கிலாந்து அணியின் காத்திருப்பு இன்னும் நீடிக்கிறது.  இத்தாலி அணியின் வெற்றியை அந்நாட்டு ரசிகர்கள் உற்சாகமாகக் கொண்டாடி வருகின்றனர்.

Like Us on Facebook Dinkaran Daily News
  • Avanyapuram

    அவனியாபுரம் ஜல்லிக்கட்டு

  • Jallikkattu

    ஜல்லிக்கட்டு போட்டி: சீறிப் பாய்ந்து வரும் காளையை அடக்க முயன்ற வீரர்கள்

  • Bogi_Festival_People_Celebrate

    போகி பண்டிகையையொட்டி பழைய பொருட்களை தீயிட்டு மக்கள் கொண்டாட்டம்

  • simla-snow-11

    உறையும் பனி...வெண்பனி போர்வையுடன் காட்சியளிக்கும் சிம்லா: குளுகுளு புகைப்படங்கள்

  • pig-heart-human-11

    உலகில் முதன்முறையாக பன்றியின் இதயத்தை மனிதனுக்கு பொருத்தி மருத்துவர்கள் சாதனை..!!

படங்கள் வீடியோ கல்வி சினிமா ஜோ‌திட‌ம்