சென்னை : சேது சமுத்திர திட்டத்தை மத்திய அரசு நிறைவேற்ற கோரியும் திட்டம் தேவையில்லை என்று தமிழக அரசு உச்ச நீதிமன்றத்தில் தாக்கல் செய்த மனுவை திரும்பப் பெறக் கோரியும் திமுக சார்பில் தமிழகம் முழுவதும் நேற்று கண்டன ஆர்ப்பாட்டம் நடந்தது. தென்சென்னை மாவட்ட திமுக சார்பில் சேப்பாக்கம் விருந்தினர் மாளிகை அருகில் ஆர்ப்பாட்டம் நடந்தது. மாவட்ட செயலாளர் ஜெ.அன்பழகன் எம்.எல்.ஏ. தலைமை தாங்கினார். முன்னாள் மத்திய அமைச்சர் தயாநிதி மாறன் எம்.பி. முன்னிலை வகித்தார்.

சுப. வீரபாண்டியன், தொ.மு.ச. பேரவை தலைவர் பேரூர் நடராசன், முன்னாள் அமைச்சர்கள் ரகுமான்கான், இந்திரகுமாரி, முன்னாள் எம்.எல்.ஏ. உசேன், வசந்தி ஸ்டான்லி எம்.பி., கு.க.செல்வம், பகுதி செயலாளர்கள் க.தனசேகரன், மகேஷ்குமார், ராமலிங்கம். அன்புதுரை, வி.எஸ்.ராஜ், த.வேலு, மதன்மோகன், காமராஜ், ஏழுமலை, ஏ.சேகர், கி.நடராசன், பிடிசி.பாலு, பூச்சி முருகன், அ.பாபு, சத்திய மூர்த்தி, பரமசிவம்,  தாயகம்கவி, களக்காடி மடுவை துரை, நாகேஷ், ஆறுமுகம், இளைஞர் அணி சிற்றரசு, பிரபாகர் ராஜா, நுங்கை சுரேஷ், சுலோசனா, மலர், இளங்கோவன், ரகமதுல்லா, செல்வம் உட்பட ஏராளமானோர் பங்கேற்றனர்.

வடசென்னையில்: வடசென்னை மாவட்ட திமுக சார்பில் கலெக்டர் அலுவலகம் அருகே நேற்று கண்டன ஆர்ப்பாட்டம் நடந்தது. மாவட்ட பொறுப் பாளர் ஆர்.டி.சேகர் தலைமை வகித்தார். மாநில சட்டத்துறை இணை செயலாளர் கிரிராஜன், தொழிலாளர் அணி செயலாளர் ரத்தினசபாபதி, முன்னாள் எம்எல்ஏக்கள் சேகர்பாபு, செங்கை சிவம், மதிவாணன் மற்றும் மாவட்ட நிர்வாகிகள் எல்.பலராமன், நெடுமாறன், தேவராஜன், இளைய அருணா, மலர்விழி, கனிமொழி, பகுதி செயலாளர்கள் மணிவேலன், கட்பீஸ் பழனி, தமிழ்வேந்தன், சதீஷ்குமார், டன்லப் ரவி, ஐசிஎப் முரளி, ஜெயராமன், மகேஷ்குமார், லோகேஷ், மாநகராட்சி எதிர்கட்சி தலைவர் போஸ், தேவன் உள்பட ஏராளமானோர் பங்கேற்றனர்.