இஸ்லாமாபாத் : பாகிஸ்தானில் சிறுமியை சுட்ட தீவிரவாதிகள் பற்றி துப்பு கொடுப்பவர்களுக்கு 1 கோடி பரிசு அறிவிக்கப்பட்டுள்ளது.  பாகிஸ்தானின் மின்கோரா நகரை சேர்ந்த 14 வயது சிறுமி மலாலா யூசுப்சய். இந்த சிறுமி, பெண் கல்விக்காகவும், குழந்தைகள் உரிமைக்காகவும் குரல் கொடுத்து வருகிறாள். தலிபான் தீவிரவாதிகளின் கொடுமைகள் குறித்து துணிச்சலாக எழுதினார். இவளை பாராட்டி தேசிய அமைதி விருது கொடுக்கப்பட்டது.

மின்கோராவில் உள்ள பள்ளியில் படிக்கும் மலாலா நேற்று முன் தினம் மாலை பள்ளி பஸ்சில் வீடு திரும்பிக் கொண்டிருந்தாள். அப்போது தலிபான் தீவிரவாதிகள் அவளை கண்மூடித்தனமாக சுட்டனர். இதில், அவளது வயிற்றி லும், தலையிலும் குண்டுகள் துளைத்தன. தற்போது மருத்துவமனையில் சிகிச்சை பெற்று வருகிறாள். இந்நிலையில், சிறுமியை சுட்ட தீவிரவாதிகள் பற்றி துப்பு கொடு ப்பவர்களுக்கு ஸி1 கோடி பரிசு தரப்படும் என்று கைபர்,பாக்டுன்கவா மாநில அரசு அறிவித்துள்ளது. இதற்கிடையே, பாகிஸ்தானில் தடை செய்யப்பட்ட டெஹ்ரிக் இ தலிபான் தீவிரவாத இயக்கம், சிறுமியை கொல்ல முயன்றதை ஒப்புக் கொண்டுள்ளது.