தொடர்ந்து அதிகரித்து வந்த நிலையில் தங்கம் பவுனுக்கு ரூ.80குறைந்தது

சென்னை: தங்கம் விலை தொடர்ந்து அதிகரித்து வந்த நிலையில் நேற்று பெயரளவுக்கு குறைந்தது. ஒரு பவுன் ரூ.1 லட்சத்து 12,480க்கு விற்பனையானது. நேற்று முன்தினம் கிராமுக்கு ரூ.210 உயர்ந்து, ஒரு கிராம் ரூ.14,070க்கும், பவுனுக்கு ரூ.1,680 உயர்ந்து, ஒரு பவுன் ரூ.1 லட்சத்து 12560க்கும் விற்பனையானது. இதன் மூலம் தங்கம் விலை தொடர்ந்து 3 நாட்களில் பவுனுக்கு ரூ.4,560 வரை உயர்ந்தது. தொடர்ந்து தங்கம் விலை உயர்ந்து வந்தது நகை வாங்குவோரை அதிர்ச்சியடைய செய்து வந்தது.

இந்நிலையில் நேற்று தங்கம் விலை பெயரளவுக்கு குறைந்தது. அதாவது, நேற்று தங்கம் விலை கிராமுக்கு ரூ.10 குறைந்து, ஒரு கிராம் ரூ. 14,060க்கும், பவுனுக்கு ரூ.80 குறைந்து, ஒரு பவுன் ரூ.1 லட்சத்து 12,480க்கும் விற்பனையானது. இதே போல வெள்ளியின் விலையும் நேற்று குறைந்தது. வெள்ளி விலை கிராமுக்கு ரூ.5 குறைந்து ஒரு கிராம் ரூ.275க்கும், கிலோவுக்கு ரூ.5 ஆயிரம் குறைந்து பார் வெள்ளி ரூ.2.75 லட்சத்துக்கும் விற்பனையானது.