இலங்கையை புரட்டிப் போட்ட டிட்வா புயல்: உயிரிழப்பு எண்ணிக்கை 85-ஆக உயர்வு!

இலங்கை: இலங்கையில் டிட்வா புயலால் ஏற்பட்ட கனமழை மற்றும் நிலச்சரிவில் சிக்கி உயிரிழந்தவர்களின் எண்ணிக்கை 85 ஆக உயர்ந்துள்ளது. 21 பேரைக் காணவில்லை, 600 வீடுகள் சேதம் அடைந்துள்ளதோடு, 44,000-க்கும் மேற்பட்ட மக்கள் பாதிக்கப்பட்டு உள்ளதால், வெள்ளம் பாதித்த பகுதிகளில் மீட்புப் பணிகளுக்காக 20,500 ராணுவ வீரர்கள் களமிறக்கப்பட்டுள்ளனர். திருகோணமலைக்கு தெற்கே 40 கி.மீ தொலைவில் புயல் மையம் கொண்டுள்ளது.

திரும்பும் திசை எங்கும் வெள்ளத்தால் சூழப்பட்டுள்ளதால் 2 லட்சத்திற்கும் அதிகமான மக்கள் முகாம்களில் தங்க வைக்கப்பட்டுள்ளன. டிட்வா சூறாவளி தீவிரமடைவதால் இலங்கையில் மோசமான சூழ்நிலை,ஏற்பட்டுள்ளது. நாடு முழுவதும் மழை வெள்ள பேரிடர் சிக்கியுள்ள மக்கள் கடுமையான பாதிப்புகளையும் இழப்புகளையும் சந்தித்துள்ளனர். அரசு எச்சரிக்கையால் மக்கள் தங்கள் வீடுகளை விட்டு அவசர அவசரமாக வெளியேறி பாதுகாப்பான இடங்களிலும், முகாம்களிலும் தஞ்சம் புகுந்தனர்.

தலைநகர் கொழும்புவில் திரும்பும் திசை எங்கும் வெள்ளைக்காடாக காட்சியளிக்கிறது. வெல்லம்பிட்டி , கடுவேலா உள்ளிட்ட நகரங்களில் இடுப்பு அளவுக்கு தண்ணீர் தேங்கியுள்ளதால் மக்கள் மரங்கள் உச்சிகளிலும் வீட்டுக்கூரைகளில் எரியும் உயிர் தப்பினர். அவர்களை ஹெலிகாப்டர் மூலம் மீட்பு குழுவினர் பத்திரமாக மீட்டனர். இலங்கை முழுவதும் நேற்று ஒரே நாளில் 36 சென்டிமீட்டர் மழை கொட்டி தீர்த்தத்தால் அங்கு அனைத்து ஆறுகளிலும் வெள்ள பெருக்கு ஏற்பட்டுள்ளது. நாட்டின் மிகப்பெரிய பாலங்களின் ஒன்றான மாத்தளை மொரகஹகந்த லக்கல இடிந்து விழுந்துள்ளது. ஆட்டோ, பேருந்துகள் மற்றும் கார்கள் உள்ளிட்ட வாகனங்களும் வெள்ளத்தில் அடித்து செல்லப்பட்டுள்ளதாக தெரிவிக்கப்பட்டது.

இதனிடையே இரவில் இலங்கையின் மையப்பகுதி வழியாக டிட்வா புயல் கரையை கடந்து வருவதால் பலத்த மழை பெய்து வருகிறது.இதனால் பாதிப்புகள் மற்றும் உயிரிழப்புகள் மேலும் அதிகரிக்கும் என்றும் அஞ்சப்படுகிறது. இன்று பிற்பகலுக்கு பிறகு தான் புயல் முழுமையாக இலங்கையை விட்டு விலகும் என்றும் அதுவரை கனமழை நீடிக்கும் என்றும் அந்நாட்டு வானிலை மையம் ரெட் அலர்ட் விடுத்துள்ளது. இலங்கையில் பல்வேறு நகரங்கள் இருளில் மூழ்கியதோடு தொலைத்தொடர்பு சேவைகள் துண்டிக்கப்பட்டுள்ளன. பாதிக்கப்பட்ட மக்களுக்கு மருத்துவ உதவிகள் உடனுக்குடன் கிடைப்பதை உறுதிசெய்யும் வகையில் சுகாதார பணியாளர்கள் அனைவரும் பணிக்கு திரும்ப அரசு உத்தரவிட்டுள்ளது.