சங்கரன்கோவில் மலர் சந்தையில் மல்லிகைப் பூ விலை உயர்ந்து விற்பனை..!!

தென்காசி: சங்கரன்கோவில் மலர் சந்தையில் ஒரு கிலோ மல்லிகைப் பூ ரூ.7,000க்கு விற்பனை செய்யப்படுகிறது. பூக்களின் வரத்து குறைவு, சுபமுகூர்த்த தினத்தை ஒட்டி பல்வேறு இடங்களில் பூக்களின் விலை கடுமையாக உயர்ந்துள்ளது. பனிமூட்டத்தால் மல்லிகைப் பூ வரத்து குறைந்ததால் வழக்கத்தை விட அதிகமாக உயர்ந்துள்ளது. கனமழை காரணமாக பூக்களின் வரத்து குறைந்துள்ளது. கடந்த சில தினங்களாக தென்காசி, சங்கரன்கோவில் மற்றும் அதன் சுற்றுவட்டார பகுதிகளில் கனமழை பெய்து வருகிறது. இதனால் பூக்களின் வரத்து குறைந்துள்ளது. சங்கரன்கோவில் மற்றும் அதன் சுற்றுவட்டார பகுதியில் உள்ள 50க்கும் மேற்பட்ட கிராமங்களில் இருந்து சங்கரன்கோவில் மலர் சந்தைக்கு பூக்களை கொண்டு வந்து விவசாயிகள் விற்பனை செய்து வருகின்றனர்.

இந்நிலையில் கடந்த இரண்டு தினங்களாக பெய்த கனமழையின் காரணமாக குளிர்ச்சியான சூழல் நிலவுவதாலும் மல்லிகை பூவின் விளைச்சல் குறைந்துள்ளது. இதனால் சங்கரன்கோவில் மலர் சந்தைக்கு வரக்கூடிய மல்லிகை பூ குறைந்ததாலும், இந்த மாதத்திற்கான சுபமுகூர்த்த தினம் என்பதாலும் மல்லிகை பூவின் விலை வரலாறு காணாத விலையேற்றம் ஏற்பட்டுள்ளது இதனால் வியாபாரிகள் மகிழ்ச்சி அடைந்துள்ளனர். கடந்த காலங்களிலும் சில சமயங்களில் இது போன்ற விலை ஏற்றங்கள் நிகழ்ந்துள்ளன. கடந்த சில நாட்களில் இதே போன்ற விலை உயர்வுகள் ஏற்பட்டுள்ளன. உதாரணமாக, சுபமுகூர்த்த தினத்தை ஒட்டி பிச்சிப்பூ விலை ரூ. 1,800க்கும் இலிருந்து ரூ. 1,500க்கும் விற்பனை செய்யப்படுகிறது. அண்டை மாநிலமான கேரளாவில் இருந்தும் அதிகளவு பூக்கள் கொள்முதல் செய்யப்படுவதால் பூக்களின் விலை மேலும் அதிகரிக்கும் என்பது குறிப்பிடத்தக்கது.