கோபி: எம்ஜிஆர், ஜெ.விற்கு இருந்ததைப் போல், விஜய்க்கு வழிகாட்டியாக செயல்படுவேன் என கே.ஏ.செங்கோட்டையன் பேசினார். தவெகவில் இணைந்த அதிமுக மாஜி அமைச்சர் கே.ஏ. செங்கோட்டையன் நேற்று சொந்த ஊரான ஈரோடு மாவட்டம் கோபிக்கு வந்தார். அவருக்கு தொண்டர்கள் வரவேற்பு அளித்தபோது அவர் பேசியதாவது: எம்ஜிஆர், ஜெயலலிதா வழியில் தவெகவில் விஜய் தலைமையில் இணைந்தேன். முதலாவதாக நான் கண்ட தலைவர் எம்ஜி.ஆர், இரண்டாவதாக கண்ட தலைவர் ஜெயலலிதா. நாளை நான் காண போகும் தலைவர் விஜய்.
எம்ஜிஆர், ஜெயலலிதாவிற்கு பின் 3ம் முறை தலைவரான விஜயுடன் பயணிக்கிறேன். ஜனநாயகம் இங்கே இருக்கிறது. யார் புகைப்படத்தை வேண்டுமானாலும் வைத்துக் கொள்ளலாம். எம்ஜிஆருக்கும், ஜெயலலிதாவிற்கும் இருந்ததுபோல் விஜய்க்கும் வழிகாட்டியாக இருப்பேன். டிசம்பர் மாதத்திற்குள் நமது கூட்டணி வலிமையாக வரும். இன்னும் பல முன்னாள் அமைச்சர்கள் நம்மோடு வருவார்கள். இவ்வாறு அவர் பேசினார்.

