கேடிஎம் 450 ரேலி ரெப்ளிகா

கேடிஎம் நிறுவனம் 2027ம் ஆண்டுக்கான மாடலாக 450 ரேலி ரெப்ளிகா மோட்டார் சைக்கிளை அறிமுகம் செய்துள்ளது. லிமிடெட் எடிஷனான இது 100 பைக்குகள் மட்டுமே தயாரிக்கப்பட இருக்கின்றன. இதில் 449.4 சிசி சிங்கிள் சிலிண்டர் இன்ஜின் இடம் பெற்றுள்ளது. 6 ஸ்பீடு கியர் பாக்ஸ் உள்ளது. இது எவ்வளவு பவர் மற்றும் டார்க்கை வெளிப்படுத்தும் என்ற விவரத்தை நிறுவனம் வெளியிடவில்லை. பிரம்போ ஹைடராலிக் கிளட்ச் இடம் பெற்றுள்ளது. அலுமினியம் டேப்பர்டு ஹாண்டில் பார்கள், 9 லிட்டர் முன்புற பெட்ரோல் டேங்க் மற்றும் 16 லிட்டர் கொள்ளளவு கொண்ட பி்ன்புற பெட்ரோல் டேங்க் என இரண்டு டேங்குகள் இடம் பெற்றுள்ளன. டிஸ்க் பிரேக்குகள் உள்ளன. அசத்தலான தோற்றத்தில் இந்த ரேசர் மோட்டார் சைக்கிள் வடிவமைக்கப்பட்டுள்ளது. விலை விவரம் வெளியிடப்படவில்லை.