இந்திய ஹாக்கி அணி வரலாற்று சாதனை: ஆசியப் போட்டிகளில் 5-வது முறையாக தங்கம் வென்றது!

மலேசியாவை 5-1 என்ற கோல் கணக்கில் வீழ்த்தி, ஆசிய விளையாட்டுப் போட்டிகளில் இந்திய ஆடவர் ஹாக்கி அணி வரலாற்றுச் சாதனை படைத்துள்ளது. இறுதிப்போட்டியில் அபாரமாக விளையாடிய இந்திய அணி, 5-வது முறையாகத் தங்கப் பதக்கத்தைக் கைப்பற்றி அசத்தியுள்ளது.

இந்த வெற்றியின் மூலம் 2028-ம் ஆண்டு நடைபெறவுள்ள ஒலிம்பிக் போட்டிக்கு இந்திய அணி நேரடியாகத் தகுதி பெற்றுள்ளதுடன், ஆசியப் போட்டிகளில் தொடர்ந்து இரண்டாவது முறையாகத் தங்கப் பதக்கத்தைக் கைக் கொண்டு சாதனைப் பட்டியலில் இடம் பிடித்துள்ளது.

இந்த பரபரப்பான இறுதிப்போட்டியில் இந்தியா சார்பில் ஹர்மன்ப்ரீத் சிங் 2 கோல்களும், ஜுக்ராஜ் சிங், ஹர்திக் சிங் மற்றும் ஷிலானந்த் லாக்ரா தலா 1 கோலும் அடித்து அணியின் வெற்றிக்கு வித்திட்டனர். மலேசியா தரப்பில் ஷெலோ சில்வெரியஸ் ஒரே ஒரு கோல் அடித்தார்.

மலேசிய அணி வெள்ளிப் பதக்கத்தைக் வென்ற நிலையில், மற்றொரு போட்டியில் தென் கொரியாவை வீழ்த்தி பாகிஸ்தான் வெண்கலப் பதக்கத்தைக் கைப்பற்றியது. இந்தத் தங்கப் பதக்க வெற்றியின் மூலம் இந்தியா மொத்தம் 21 தங்கங்கள் உள்பட 85 பதக்கங்களைக் குவித்து, பதக்கப்பட்டியலில் நான்காவது இடத்திற்கு முன்னேறி நாட்டுக்குப் பெருமை சேர்த்துள்ளது.