ஹீரோ எக்ஸ்ட்ரீம் 160ஆர் 4வி

ஹீரோ நிறுவனம் எக்ஸ்ட்ரீம் 125ஆர் ரைடு பை வயர் குரூஸ் கன்ட்ரோல் மோட்டார் சைக்கிளை அறிமுகம் செய்ததை தொடர்ந்து, 160ஆர் 4வி காம்பேட் எடிஷன் பைக்கை அறிமுகம் செய்துள்ளது. ஜூம் 110 மற்றும் கரீஷ்மா எக்ஸ்எம்ஆர் காம்பேட் எடிஷன்களை போன்றே இந்த மோட்டார் சைக்கிளில் கிரே மற்றும் மஞ்சள் பெயின்ட் கிராபிக்ஸ் இடம் பெற்றுள்ளது. இதில் 163 சிசி 4 ஸ்டிரோக் ஏர் மற்றும் ஆயில் கூல்டு 4 வால்வு இன்ஜின் உள்ளது. இது அதிகபட்சமாக 8,500 ஆர்பிஎம்-ல் 12.4 கிலோவாட் பவரையும், 6,500 ஆர்பிஎம்-ல் 14.6 என்எம் டார்க்கையும் வெளிப்படுத்தும்.

இதுதவிர ரைடுபை வயர் தொழில்நுட்பம், குரூஸ் கன்ட்ரோல், ரெயின், ரோடு, ஸ்போர்ட் என 3 டிரைவிங் மோட்கள் உள்ளன. 250ஆர்-ல் உள்ளதை போன்ற வண்ண எல்சிடி டிஸ்பிளே உள்ளது. விலை விவரம் அறிவிக்கப்படவில்லை. இருப்பினும் ஏற்கெனவே அறிமுகம் செய்யப்பட்ட எக்ஸ்ட்ரீம் 125ஆர் ரைடு பை வயர் குரூஸ் கன்ட்ரோல் டாப் வேரியண்ட், ஸ்டாண்டர்டு வேரியண்டை விட ரூ.12,000 அதிகம் வைத்து நிர்ணயிக்கப்பட்டிருந்தது. இதே நடைமுறையை வைத்து மேற்கண்ட பைக்கிற்கும் விலை நிர்ணயிக்கப்படலாம் என எதிர்பார்க்கப்படுகிறது. தற்போது சந்தையில் உள்ள எக்ஸ்ட்ரீம் 160ஆர் 4வி ஷோரூம் விலை சுமார். ரூ.1.3 லட்சம்.