குடியரசு நாளையொட்டி, தமிழக ஆளுநர் ஆர்.என்.ரவி அளிக்கும் தேநீர் விருந்தில் அரசின் சார்பில் யாரும் பங்கேற்க மாட்டார்கள் என அறிவிப்பு!!
அதே போல, மதுரை மாவட்டம் அரிட்டாபட்டி சுரங்க ஏலம் ரத்து செய்யப்பட்டதன் எதிரொலியாக அங்கு நடைபெற உள்ள நன்றி தெரிவிக்கும் விழாவில் முதல்வர் மு.க.ஸ்டாலின் நாளை பங்கேற்கிறார். இதன் காரணமாக தேநீர் விருந்தில் முதல்வரும் பங்கேற்கவில்லை. இந்த நிலையில், தற்போது, ஆளுநர் தேநீர் விருந்தை புறக்கணிப்பதாக தமிழக அரசு அறிவித்துள்ளது. தமிழக அரசுக்கு எதிராக ஆளுநர் ஆர்.என். ரவி செயல்படுவதைக் கண்டித்து தேநீர் விருந்து புறக்கணிக்கப்படுவதாகவும் குடியரசு நாளை முன்னிட்டு, ஆளுநர் மாளிகையில் அளிக்கப்படும் தேநீர் விருந்தில் தமிழக அரசின் சார்பில் யாரும் பங்கேற்க மாட்டார்கள் எனவும் தெரிவிக்கப்பட்டுள்ளது.அண்மையில் கூடிய சட்டப்பேரவையில் உரையை வாசிக்காமல் ஆளுநர் ரவி வெளியேறியிருந்தது குறிப்பிடத்தக்கது.
