சென்னை: தங்கம் விலை இந்த ஆண்டின் தொடக்கத்தில் இருந்து அதிரடியாக உயர்வை சந்தித்து வருகிறது. ஞாயிற்றுக்கிழமை ஒரு நாள் விடுமுறைக்கு பிறகு நேற்று தங்கம் மார்க்கெட் தொடங்கியது. அதில் வாரத்தின் முதல் நாளிலேயே தங்கம் விலை உயர்வை சந்தித்தது. அதாவது, நேற்று தங்கம் விலை கிராமுக்கு ரூ.50 உயர்ந்து ஒரு கிராம் ரூ.7940க்கும், பவுனுக்கு ரூ.400 உயர்ந்து ஒரு பவுன் ரூ.63,520க்கும் விற்பனையானது. இந்த விலை உயர்வு நகை வாங்குவோருக்கு சற்று அதிர்ச்சியை ஏற்படுத்தியுள்ளது. அதே நேரத்தில் வெள்ளி விலையில் மாற்றமின்றி ஒரு கிராம் ரூ.108க்கு விற்பனையானது.
