2 நாளில் தங்கம் விலை பவுனுக்கு ரூ.1,840 அதிகரிப்பு

சென்னை: தங்கம் விலை தொடர்ந்து 2 நாட்களில் பவுனுக்கு ரூ.1,840 உயர்ந்துள்ளது. வாரத்தின் இறுதி நாளான நேற்றும் தங்கம் விலை உயர்ந்தது. நேற்றைய தினம் தங்கம் விலை கிராமுக்கு ரூ.70 அதிகரித்து ஒரு கிராம் ரூ.13,370க்கும், பவுனுக்கு ரூ.560 அதிகரித்து ஒரு பவுன் ரூ.1 லட்சத்து 6,960க்கும் விற்பனையானது.

அதே நேரத்தில் நேற்று வெள்ளி விலையில் எந்த மாற்றமும் ஏற்படவில்லை. ஒரு கிராம் வெள்ளி ரூ.245க்கும், பார் வெள்ளி 2 லட்சத்து 45 ஆயிரம் ரூபாய்க்கும் விற்பனையானது. இன்று ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறையாகும். அதனால், நேற்றைய விலையிலேயே இன்று தங்கம் விற்பனையாகும். நாளை (திங்கட்கிழமை) மார்க்கெட் தொடங்கிய பின்னரே தங்கம் விலையில் என்ன மாற்றம் ஏற்பட போகிறது என்பது தெரியவரும்.