இயந்திர கோளாறு காரணமாக கோவா - டெல்லி இண்டிகோ விமானம் அவசர தரையிறக்கம்

பனாஜி: கோவாவிலிருந்து டெல்லி நோக்கிச் சென்ற இண்டிகோ விமானத்தின் என்ஜின்களில் ஒன்றில் கோளாறு ஏற்பட்டதை அடுத்து, 229 பயணிகள் பயணித்த அந்த விமானம் இன்று காலை கோவாவுக்குத் திரும்பி, மனோகர் சர்வதேச விமான நிலையத்தில் அவசரமாகத் தரையிறக்கப்பட்டது என்று அதிகாரிகள் தெரிவித்தனர்.

இண்டிகோ விமானம் 6E 2102, இன்று காலை 9:15 மணிக்கு வடக்கு கோவாவில் உள்ள மோபா விமான நிலையத்திலிருந்து டெல்லிக்குப் புறப்பட்டது. ஆனால், விமானத்தின் இயந்திரங்களில் ஒன்றில் கோளாறு ஏற்பட்டதாகத் தெரியவந்ததையடுத்து, அது உடனடியாக மனோகர் சர்வதேச விமான நிலையத்திற்குத் திரும்பியது. பின்னர் அந்த விமானம் அவசரத் தரையிறக்கம் செய்யப்பட்டது.

விமான நிறுவனம் வெளியிட்ட அதிகாரப்பூர்வ அறிக்கையில், விமானம் புறப்பட்ட சிறிது நேரத்திலேயே தொழில்நுட்பக் கோளாறு கண்டறியப்பட்டது என்று தெரிவிக்கப்பட்டுள்ளது. கோளாறு குறித்து அறிந்தவுடன், விமானிகள் விமானத்தைத் திருப்பி கோவா விமான நிலையத்தில் தரையிறக்கினர்.

நிலையான செயல்பாட்டு நடைமுறையைப் பின்பற்றி, சம்பந்தப்பட்ட அதிகாரிகளுக்குத் தகவல் தெரிவிக்கப்பட்டது. விமானிகள் விமானத்தைத் திருப்பி, மனோகர் சர்வதேச விமான நிலையத்தில் பாதுகாப்பாகத் தரையிறக்கினர். தற்போது விமானம் பராமரிப்புச் சோதனைகளுக்கு உட்படுத்தப்பட்டு வருகிறது. தேவையான அனைத்து அனுமதிகளும் பெறப்பட்ட பிறகு மீண்டும் இயக்கப்படும் என்று இண்டிகோ நிறுவனம் தெரிவித்துள்ளது.