மளமளவென சரிந்த தங்கம் விலை: சவரனுக்கு ரூ.2120 குறைந்து ரூ.1,21,600-க்கு விற்பனை
சென்னையில் ஆபரணத் தங்கத்தின் விலை சவரனுக்கு ரூ.2120 குறைந்து ஒரு சவரன் ரூ.1,21,600க்கு விற்பனை ஆகிறது. ஆபரணத் தங்கம் விலை கிராமுக்கு ரூ.265 குறைந்து ரூ.15,200க்கு விற்பனை செய்யப்படுகிறது. சென்னையில் வெள்ளி விலை கிராமுக்கு ரூ.20 குறைந்து ஒரு கிராம் ரூ.295 க்கும், ஒரு கிலோ ரூ.2.95 லட்சத்துக்கும் விற்பனை செய்யப்படுகிறது.
சென்னை: தங்கம் விலை கடந்த 3 வாரத்திற்கும் மேலாக ஏற்றம் இறக்கத்துடன் காணப்பட்டு வருகிறது. இந்த நிலையில் ஈரான் மீது அமெரிக்க-இஸ்ரேல் கூட்டுப் படைகள் தாக்குதலின் காரணமாக கடந்த மாதம் 28ம் தேதி மற்றும் கடந்த 1ம் தேதி என 2 நாட்களில் மட்டும் தங்கம் விலை அதிரடியாக பவுனுக்கு ரூ.7000 வரை அதிகரித்தது.
வெள்ளி விலையும் கிலோவுக்கு ரூ.30 ஆயிரம் அதிகரித்தது. இன்னும் விலை அதிகரிக்க வாய்ப்புள்ளதாக கணிக்கப்பட்டது. ஆனால், நேற்று முன்தினம் தங்கம் விலை குறைந்தது. அன்றைய தினம் கிராமுக்கு ரூ.115 குறைந்து ஒரு கிராம் ரூ.15,660க்கும், பவுனுக்கு ரூ.920 குறைந்து ஒரு பவுன் ரூ.1,25,280க்கும் விற்பனையானது. வெள்ளி விலையும் கிலோவுக்கு ரூ.10 ஆயிரம் குறைந்து பார் வெள்ளி 3 லட்சத்து 15 ஆயிரம் ரூபாய்க்கும் விற்பனையானது.
இந்நிலையில், நேற்றும் தங்கம் விலை குறைந்தது. காலையில் தங்கம் விலை கிராமுக்கு ரூ.10 குறைந்து ஒரு கிராம் ரூ.15,650க்கும், பவுனுக்கு ரூ.80 குறைந்து ஒரு பவுன் ரூ.1 லட்சத்து 25,200க்கும் விற்றது. தொடர்ந்து மாலையிலும் தங்கம் விலையில் மாற்றம் காணப்பட்டது.
அதாவது, மாலையில் தங்கம் விலை கிராமுக்கு ரூ.185 குறைந்து ஒரு கிராம் ரூ.15465க்கும், பவுனுக்கு ரூ.1480 குறைந்து ஒரு பவுன் ரூ.1 லட்சத்து 23,720க்கும் விற்கப்பட்டது. இதன் மூலம் தங்கம் விலை தொடர்ந்து 2 நாளில் பவுனுக்கு ரூ.2,480 அதே நேரத்தில் நேற்று வெள்ளி விலை காலை, மாலை என எந்தவித மாற்றமும் ஏற்படவில்லை. ஒரு கிராம் வெள்ளி ரூ.315க்கும், பார் வெள்ளி ரூ.3.15 லட்சத்துக்கும் விற்பனையானது.
தொடர்ந்து 2-வது நாளாக இன்று தங்கம் விலை குறைந்தது. சென்னையில் ஆபரணத் தங்கத்தின் விலை சவரனுக்கு ரூ.2120 குறைந்து ஒரு சவரன் ரூ.1,21,600க்கு விற்பனை ஆகிறது. ஆபரணத் தங்கம் விலை கிராமுக்கு ரூ.265 குறைந்து ரூ.15,200க்கு விற்பனை செய்யப்படுகிறது. சென்னையில் வெள்ளி விலை கிராமுக்கு ரூ.20 குறைந்து ஒரு கிராம் ரூ.295 க்கும், ஒரு கிலோ ரூ.2.95 லட்சத்துக்கும் விற்பனை செய்யப்படுகிறது.