Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

பர்கூர் ஈரட்டி வனப்பகுதியில் விளைநிலத்திற்குள் புகுந்த யானையை காட்டுக்குள் விரட்டியடிக்க வேண்டும்

*மலைவாழ் மக்கள் கோரிக்கை

அந்தியூர் : பர்கூர் மலைப்பகுதியில் ஒரு மாதத்திற்கும் மேலாக அச்சத்தை ஏற்படுத்திவரும் ஒற்றை யானையை காட்டுக்குள் விரட்ட வேண்டும் என மலைவாழ் மக்கள் கோரிக்கை விடுத்துள்ளனர். ஈரோடு மாவட்டம், அந்தியூர் அருகேயுள்ள பர்கூர் கிழக்கு மலையிலுள்ள ஈரட்டி வனப்பகுதியில் யானை உள்ளிட்ட வன விலங்குகள் வசிக்கின்றன.

கடந்த ஒரு மாதத்துக்கும் மேலாக, வனப் பகுதியிலிருந்து இரவு நேரத்தில் வெளியேறும் ஒற்றை ஆண் யானை, அருகிலுள்ள குடியிருப்பு பகுதியிலும், விவசாய தோட்டத்துக்குள்ளும் புகுந்து சாகுபடி செய்துள்ள மக்காச்சோளம் உள்ளிட்ட பயிர்களையும், தென்னை மரங்களையும் சேதப்படுத்தி வருகிறது. இரவு நேரத்தில் வரும் யானை,அடுத்த நாள் காலை 7 மணி வரை அங்கிருந்து செல்வதில்லை.

விவசாயிகள் விரட்டினால் மட்டும் அவ்விடத்தை விட்டு வெளியேறுகிறது. இதுபோல் நேற்று முன்தினம் இரவு ஈரெட்டியில் உள்ள விவசாய தோட்டத்தில் புகுந்த யானை, மக்காச்சோளத்தையும், தென்னை மரங்களையும் சேதப்படுத்தி, மக்களையும், விவசாயிகளையும் தொடர்ந்து அச்சுறுத்தி வருகிறது.

இதுகுறித்து, அப்பகுதி மலைவாழ் மக்கள், பர்கூர் வனத்துறையினருக்கு தகவல் கொடுத்தும், ஒரு சில நாட்கள் மட்டும் வந்து யானையை விரட்டினர். முழுமையாக யானையை கிராம பகுதியில் இருந்து வெளியேறவும், பயிர்களை சேதப்படுத்துவதை தடுக்கவும் நடவடிக்கை எடுக்க வேண்டும் என கோரிக்கை விடுத்துள்ளனர்.