திமுக கூட்டணியில் காங்கிரஸ் கட்சிக்கு 28 தொகுதிகள் ஒதுக்கப்பட்ட நிலையில் வேட்பாளர் பட்டியல் வெளியீடு

சென்னை: திமுக கூட்டணியில் காங்கிரஸ் கட்சிக்கு 28 தொகுதிகள் ஒதுக்கப்பட்ட நிலையில் வேட்பாளர் பட்டியல் வெளியிடப்பட்டது. ஸ்ரீபெரும்புதூர் தொகுதியில் காங்கிரஸ் கமிட்டி தலைவர் செல்வப்பெருந்தகை போட்டியிடுகிறார். 27 பெயர்கள் கொண்ட காங்கிரஸ் முதற்கட்ட வேட்பாளர் பட்டியல் வெளியானது. மேலூர் தொகுதிக்கு மட்டும் வேட்பாளர் அறிவிக்கப்படவில்லை.

தமிழ்நாட்டில் சட்டப் பேரவை தேர்தல் திருவிழா களை கட்டி வருகிறது. வாக்குப்பதிவுக்கு இன்னும் 20 நாட்கள் மட்டும் எஞ்சியுள்ள நிலையில் அனைத்து கட்சிகளின் தேர்தல் பிரச்சாரம் சூடுபிடித்துள்ளது. அனைத்து கட்சிகளுமே கூட்டணியை இறுதி செய்து, பிரச்சாரத்தில் தீவிரமாக களம் இறங்கியுள்ளது. ஆனால் தமிழ்நாட்டை பொறுத்தவரை காங்கிரஸ் மற்றும் பாஜக எனத் தேசிய கட்சிகள் மட்டுமே இதுவரை வேட்பாளர்களை அறிவிக்காமல் இருந்தது.

இந்நிலையில் இன்று மதியம் 27 தொகுதிகளுக்கான பாஜக வேட்பாளர் பட்டியல் அறிவிக்கப்பட்ட நிலையில், தற்போது திமுக கூட்டணியில் காங்கிரஸ் கட்சிக்கு 28 தொகுதிகள் ஒதுக்கப்பட்ட நிலையில் வேட்பாளர் பட்டியல் வெளியிடப்பட்டுள்ளது.

வேட்பாளர்கள் பட்டியல்;

ஸ்ரீபெரும்புதூர் (தனி): செல்வப்பெருந்தகை

பொன்னேரி (தனி): துரை சந்திரசேகர்

வேளச்சேரி: ஹசன் மௌலானா

சோளிங்கர்: முனிரத்னம்

ஊத்தங்கரை (தனி): குப்புசாமி

கிருஷ்ணகிரி: செல்ல குமார்

பென்னாகரம்: தமிழ்குமரன்

ஆத்தூர் (தனி): அர்த்தநாரி

ஈரோடு கிழக்கு: கோபிநாத்

உதகை: ராமச்சந்திரன்

கவுண்டம்பாளையம்: சூர்யபிரகாஷ்

சிங்காநல்லூர்: ஸ்ரீநிதி

துறையூர் (தனி): விச்சு லெனின் பிரசாத்

கடலூர்: சந்திரசேகரன்

மயிலாடுதுறை: ஜமால் யூனுஸ் முகமது

அறந்தாங்கி: ராமச்சந்திரன்

காரைக்குடி: மாங்குடி

உசிலம்பட்டி: சரவணக்குமார்

சிவகாசி: கணேசன் அசோகன்

திருவாடானை: ராம கருமாணிக்கம்

ஸ்ரீவைகுண்டம்: ஊர்வசி அமிர்தராஜ்

சங்கரன்கோவில் (தனி): சங்கை கணேசன்

அம்பாசமுத்திரம்: வி.பி.துரை

நாங்குநேரி: ரூபி மனோகரன்

குளச்சல்: தாரகை கத்பர்ட்

விளவங்கோடு: பிரவீன்

கிள்ளியூர்: ராஜேஷ்குமார்

27 பெயர்கள் கொண்ட காங்கிரஸ் முதற்கட்ட வேட்பாளர் பட்டியல் வெளியானது. மேலூர் தொகுதிக்கு மட்டும் வேட்பாளர் அறிவிக்கப்படவில்லை.