திமுக ஆட்சியில் கட்டிமுடிக்கப்பட்ட எண்ணூர் பஸ் நிலையம் திறக்கப்படுமா?

தண்டையார்பேட்டை:சென்னை எண்ணூர் நெடுஞ்சாலையில் உள்ள ரயில்வேக்கு சொந்தமான இடத்தில் தற்காலிக பேருந்து நிலையம் செயல்பட்டு வந்தது. இந்த பேருந்து நிலையத்தை புதுப்பிக்க வேண்டும் என்று அப்பகுதி மக்கள் கோரிக்கை விடுத்தனர்.இதையடுத்து கடந்த திமுக ஆட்சியில், ஆர்.கே.நகர் தொகுதி சட்டமன்ற உறுப்பினர் மேம்பாட்டு நிதியில் இருந்து ரூ.1.8 கோடி செலவில் மாநகராட்சி நிதி மூலம் அனைத்து நவீன வசதிகளுடன் பேருந்து நிலையம் கட்டப்பட்டது. இவ்வாறு பணிகள் அனைத்தும் நிறைவடைந்துள்ள நிலையில், பேருந்து நிலையத்தை விரைந்து திறக்க மாநகராட்சியும் மாநகர போக்குவரத்து கழகமும் நடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.

தண்டையார்பேட்டையில் இருந்து கோயம்பேடு (159டி), திருவான்மியூர் (மிஎப்), அடையாறு (4டி), தாம்பரம் (170இ), அண்ணா சதுக்கம் (44சி), வடபழனி (15ஏ) ஆகிய பேருந்துகள் ஐஓசி பேருந்து நிலையத்தில் இருந்து இயக்கப்பட்டு வந்தது. ஆனால் சமீபகாலங்களில் இந்த இடங்களுக்கு இயக்கப்பட்ட பேருந்துகள் முடக்கப்பட்டுள்ளது. ‘’தமிழக வெற்றி கழகம் ஆட்சியைப் பிடித்துள்ள நிலையில், இந்த பேருந்துநிலையத்தை மக்கள் பயன்பாட்டிற்கு கொண்டு வரவேண்டும்’ என்று மக்கள் கூறுகின்றனர்.