Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

தமிழ்நாட்டில் தற்போது வரை டிட்வா புயல் காரணமாக எந்த உயிரிழப்புகளும் இல்லை: அமைச்சர் கே.கே.எஸ்.எஸ்.ஆர். ராமச்சந்திரன் பேட்டி

சென்னை: தமிழ்நாட்டில் தற்போது வரை டிட்வா புயல் காரணமாக எந்த உயிரிழப்புகளும் இல்லை என அமைச்சர் கே.கே.எஸ்.எஸ்.ஆர். ராமச்சந்திரன் தெரிவித்துள்ளார். டிட்வா புயல் கரையை நெருங்கி வரும் நிலையில் சென்னையில் உள்ள கட்டுப்பாட்டு மையத்தில் செய்தியாளர்களை சந்தித்து பேசிய அமைச்சர் கே.கே.எஸ்.எஸ்.ஆர் ராமச்சந்திரன்; புயல் நெருங்கும் நிலையில் தொடர்ந்து மழை பெய்வதால் மக்கள் அவசியம் இன்றி வெளியே வர வேண்டாம். ராமநாதபுரம், நாகை உள்ளிட்ட மாவட்டங்களில் 1,058 பேர் நிவாரண முகாம்களில் தங்க வைக்கப்பட்டுள்ளது. 13 நிவாரண மையங்கள் அமைக்கப்பட்டுள்ளது.

5 கிலோ அரிசிப் பைகள் சுமார் 5 லட்சம் எண்ணிக்கையில் தயாராக வைத்துள்ளோம். மழை அதிகம் பெய்யும் இடங்களில் நிவாரண முகாம்கள் அமைக்கப்பட்டுள்ளன. டிட்வா புயலால் இதுவரை எந்த பாதிப்பும் ஏற்படவில்லை. டிட்வா புயலால் பெய்து வரும் கனமழையால் இதுவரை மனித உயிரிழப்பு ஏதும் ஏற்படவில்லை. டிட்வா புயலால் இதுவரை 16 கால்நடைகள் உயிரிழப்பு, 24 குடிசைகள் சேதம் ஆகியுள்ளது. அதி கனமழை பெய்யும் மாவட்டங்களுக்கு ஏற்ப முன்னெச்சரிக்கை நடவடிக்கை எடுத்து வருகிறோம்.

கனமழை, வெள்ளத்தால் இலங்கையில் சிக்கயுள்ள தமிழர்களை மீட்க நடவடிக்கை எடுத்துள்ளோம். சென்னையை பொறுத்தவரை பூண்டி 85%, சோழவரம் 50%, செம்பரம்பாக்கத்தில் 84% நீர் இருப்பு உள்ளது. கரையோர மக்களை பாதுகாப்பான இடங்களுக்கு அனுப்பிய பிறகே ஏரிகளில் இருந்து நீர் திறக்கப்படும் என்று கூறினார்.