குழந்தைகள் தினத்தில் 15 சிக்சர் விளாசிய வைபவ் சூர்யவன்ஷி

தோஹா: கத்தாரின் தோஹா நகரில் ஆடவர் ஆசிய கோப்பை ரைசிங் ஸ்டார்ஸ் டி20 கிரிக்கெட்டில் நேற்று நடந்த போட்டியில் இந்தியா ஏ - ஐக்கிய அரபு எமிரேட்ஸ் மோதின. முதலில் ஆடிய இந்தியா ஏ, 20 ஓவரில் 4 விக்கெட் இழப்புக்கு 297 ரன் குவித்தது. குழந்தைகள் தினமான நேற்று, இந்திய இளம் வீரர் வைபவ் சூர்யவன்ஷி (14) அதிரடியாக ஆடி 17 பந்துகளில் 50, 32 பந்துகளில் 100 ரன் குவித்தார். மொத்தத்தில் 42 பந்துகளை எதிர்கொண்ட அவர், 15 சிக்சர், 11 பவுண்டரிகளுடன் 144 ரன்களை வெளுத்தார். பின்னர் ஆடிய எமிரேட்ஸ் அணி, 20 ஓவரில் 7 விக்கெட் இழப்புக்கு 149 ரன் மட்டுமே எடுத்து 148 ரன் வித்தியாசத்தில் மெகா தோல்வியடைந்தது.