சென்னையில் உயர்மட்ட இரும்பு பாலத்திற்கான முதல் பகுதி நிறுவும் பணி வெற்றிகரமாக நிறைவு..!!

சென்னை: சென்னை தேனாம்பேட்டை மற்றும் சைதாப்பேட்டை இடையே அமைக்கப்படும் உயர்மட்ட இரும்பு பலத்திற்கான முதல் பகுதி நிறுவும் பணி வெற்றிகரமாக முடிவடைந்துள்ளது. சென்னை அண்ணா சாலை போக்குவரத்து நெரிசலை குறைப்பதற்காக, தேனாம்பேட்டை மற்றும் சைதாப்பேட்டை இடையே 3.20 கிலோ மீட்டர் தூரத்துக்கு. ரூ.621 கோடி செலவில் நான்கு வழிச்சாலையாக, உயர்மட்ட சாலை அமைக்கப்பட்டு வருகிறது. கான்கிரீட் தூண்களுக்கு பதிலாக, இரும்பு தூண்கள் பயன்படுத்தப்படுவதால், தூண்கள் எழுப்பும் பணி விரைவாக நடந்து வருகிறது.

மேம்பால திட்டத்தின் இரும்பு பாலத்திற்கான முதல் பகுதி நிறுவும் பணி வெற்றிகரமாக முடிவடைந்துள்ளது. இந்த மேம்பாலம் கீழே உள்ள மெட்ரோ சுரங்க பாதைக்கு எந்தவித பாதிப்பும் ஏற்படாத வகையில் வடிவமைக்கப்படுகிறது. இந்தப் பாலம் ஒரு பொறியியல் அதிசயமாக கருதப்படுகிறது என்றும். மெட்ரோ சுரங்கப்பாதையில் பாதுகாப்பை உறுதிப்படுத்தும் வகையில் சிறப்பு திட்டமிடலுடன் கட்டுமான பணிகள் அண்ணா சாலையில் உயர்மட்ட சாலை அமைக்கும் பணிகள் முழு வீச்சில் நடந்து வருகிறது. தேனாம்பேட்டை, சைதாப்பேட்டை உயர்மட்ட சாலை பணிகள் 50%சதவீதம் நிறைவடைந்து உள்ளதாகவும். இந்த மேம்பாலத்திற்கான அடித்தளம் சாலை மட்டத்திலிருந்து 7 மீட்டர் ஆழத்தில் அமைக்கப்படுகிறது.

இது சராசரியாக 20-28 மீட்டர் ஆழம் கொண்ட மெட்ரோ சுரங்கப்பாதைக்கு மேலே அமைவதாக பொதுப்பணித்துறை அதிகாரிகள் கூறியுள்ளனர். இந்தியாவில் முதல்முறையாக நிலத்தடி மெட்ரோ சுரங்கப்பாதை கொண்ட சாலையில் இந்த உயர்மட்ட மேம்பாலம் கட்டப்படுகிறது. இந்த மேம்பாலம் திறக்கப்படும்போது, அண்ணா சாலையில் பயணம் செய்பவர்கள் நந்தனம் உள்ளிட்ட ஐந்து சிக்னல்களில் நிற்க வேண்டிய அவசியம் இருக்காது. மேம்பாலம் பணிகள் முழு வீச்சில் நடைபெற்று வருவதால் அடுத்த ஆண்டு தொடக்கத்தில் மக்கள் பயன்பாட்டுக்கு வரும் என்று அதிகாரிகள் தெரிவித்தனர்.