வடகலை, தென்கலை பிரச்சனையில் இருதரப்பு குருக்கள்களும் மோதலை நிறுத்த வேண்டும்: ஐகோர்ட் அறிவுறுத்தல்
இந்த பிரச்சனையை நீதிமன்றத்தில் முடித்துக்கொள்ளலாம் என்று இரு தரப்பும் சென்னை உயர் நீதிமன்றத்தை நாடியது. தொடக்கத்தில் வடகலைக்கு ஆதரவாகவும், மேல் முறையீடு செய்தபோது தென்கலைக்கு ஆதரவாகவும் நீதிமன்றம் தீர்ப்பளித்திருக்கிறது. இது தொடர்பான மேலும் சில வழக்குகள் நீதிமன்றத்தில் நிலுவையில் இருக்கின்றன. அதில் தென்கலை மந்திரம் பாட அனுமதி மறுத்து கோயில் செயல் அலுவலர் பிறப்பித்த உத்தரவை எதிர்த்து தென்கலை பிரிவினர் வழக்கு தொடர்ந்திருந்தனர்.
இந்நிலையில், இந்த வழக்கு சென்னை உயர்நீதிமன்ற நீதிபதி ஆனந்த் வெங்கடேஷ் முன்பு விசாரணைக்கு வந்தது. அப்போது வடகலை, தென்கலை இரண்டும் ஒரு பூ காம்பில் உள்ள இரு இதழ்கள் என்று இருதரப்புக்கும் நீதிபதி அறிவுறுத்தி இருக்கிறார். மேலும் வடகலை, தென்கலை பிரச்சனையில் இருதரப்பு குருக்கள்களும் மோதலை நிறுத்த வேண்டும். சின்னகாஞ்சி விளக்கொளி பெருமாள் கோயிலுக்கு வெளியே தென்கலை மந்திரம் பாட அனுமதி மறுத்த உத்தரவை ஐகோர்ட் உறுதி செய்தது. மேலும் கோயில் செயல் அலுவலர் பிறப்பித்த உத்தரவு சரியானதே என கூறிய நீதிபதி, தென்கலை பிரிவினர் தொடர்ந்த வழக்கை தள்ளுபடி செய்து உத்தரவிட்டார்.