10ஆம் வகுப்பு, +2 பொதுத் தேர்வு அட்டவணை வெளியீடு!

தமிழகத்தில் 10 ஆம் வகுப்பு, 12ஆம் வகுப்பு பொதுத் தேர்வுக்கான அட்டவணை மற்றும் தேர்வு முடிவுகள் வெளியாகும் தேதி குறித்த அறிவிப்புகளைப் பள்ளிக்கல்வித்துறை அமைச்சர் அன்பில் மகேஷ் சமீபத்தில் வெளியிட்டார். அந்த அறிவிப்பில், 2026ஆம் ஆண்டு மார்ச் 2ஆம் தேதி முதல் மார்ச் 26ஆம் தேதி வரை 12ஆம் வகுப்பு பொதுத்தேர்வு நடைபெறும்.

பிளஸ் 2 செய்முறைத் தேர்வுகள் பிப்ரவரி 9 முதல் பிப்ரவரி 14ஆம் தேதி வரை நடைபெறும். மே 8ஆம் தேதி பிளஸ் 2 பொதுத்தேர்வுக்கான முடிவுகள் வெளியாகும். மார்ச் 3ஆம் தேதி முதல் மார்ச் 27ஆம் தேதி வரை பிளஸ் 1 தேர்வுகள் நடைபெறும். 11ஆம் வகுப்புக்கான செய்முறைத் தேர்வுகள் பிப்ரவரி 16ஆம் தேதி முதல் பிப்ரவரி 21ஆம் தேதி வரை நடைபெறும். மார்ச் 11ஆம் தேதி முதல் ஏப்ரல் 6ஆம் தேதி வரை 10ஆம் வகுப்பு பொதுத்தேர்வு நடைபெறும். 10ஆம் வகுப்புப் பொதுத்தேர்வு முடிவுகள் மே 20ஆம் தேதி வெளியாகிறது. 12ஆம் வகுப்புப் பொதுத்தேர்வை 8.07 லட்சம் மாணவர்களும், 10ஆம் வகுப்பு பொதுத்தேர்வை 8.70 லட்சம் மாணவர்களும் எழுத உள்ளனர். கணக்குப்பதிவியல் தேர்வுகளுக்கு மாணவர்கள் கால்குலேட்டர் எடுத்துச் செல்லலாம். ஒவ்வொரு தேர்வுக்கும் 3 முதல் 5 நாட்கள் இடைவெளி இருக்கும் வகையில் தேர்வு அட்டவணை வடிவமைக்கப்பட்டுள்ளது’’ என்று தெரிவித்தார்.