Wednesday, February 28, 2024
Home » முக அழகுக்கு கடுகு எண்ணெய்

முக அழகுக்கு கடுகு எண்ணெய்

by Nithya

நன்றி குங்குமம் தோழி

கடுகு எண்ணெயை உணவாக சமைக்க பயன்படுத்தினாலும், முக அழகை மேம்படுத்துவதில் இதன் பயன் அதிகம். இதிலுள்ள ஊட்டச் சத்துக்கள் ஏராளம்.
இது மற்ற எண்ணெய்களை காட்டிலும் ஆரோக்கியம் கொண்டது.

* கடுகு எண்ணெயுடன், எலுமிச்சை சாறு சேர்த்து நன்கு கலந்து, சிறிது உப்பு சேர்த்து முகத்தில் தடவி 10 நிமிடம் மசாஜ் செய்த பின் வெது வெதுப்பான நீரில் கழுவினால் முகம் பளபளப்பாகும்.

* கடலைமாவுடன் தயிர் கடுகு எண்ணெய், சிறிது உப்பு சேர்த்து முகம், கழுத்தில் பூசி மசாஜ் செய்து 10 நிமிடம் கழித்து முகம் கழுவிவர முகம், சருமம் அழகாகும். வாரம் 2 முறை செய்யலாம்.

* 1 ஸ்பூன் தேங்காய் எண்ணெயுடன், 1 ஸ்பூன் கடுகு எண்ணெய் சேர்த்து முகத்தில் தடவினால் பருக்கள் மறையும். மேலும் பருக்களினால் ஏற்பட்ட வடு மறைந்து போகும்.

* கடுகு எண்ணெயை இரவு தூங்கப் போவதற்கு முன் உதடுகளில் தடவி வர உதட்டின் கருமை நீங்கும்.

* கடுகு எண்ணெயை சம அளவு தேங்காய் எண்ணெய் கலந்து முடியில் தடவி வர முடி உதிர்வதை தடுத்து, அடர்த்தியான முடியை வளர்க்கும். இளநரை உள்ளவர்கள் கடுகு எண்ணெய் பயன்படுத்தினால் இளநறை மறையும்.

* கடுகு எண்ணெயை சிறிது வாயில் ஊற்றி கொப்பளித்தால் வாய் துர்நாற்றம், ரத்தக் கசிவு, பற்களில் உண்டாகும் நோய்
தோற்றுகள் சரியாகும்.

* சூடாக்கி மூட்டுகளில் தடவி ஒத்தடம் கொடுக்க வலி குறையும். கடுகை அரைத்து பற்று போட வலி குறையும்.

* பசியுணர்வு குறைவாக உள்ளவர்கள் கடுகு எண்ணெய் கொண்டு செய்யப்பட்ட உணவுகளை சாப்பிட பசியுணர்வு தூண்டப்பட்டு செரிமானமாகும்.

* ரத்த காயங்களை ஆற்றும் தன்மை கடுகு எண்ணெய்க்கு உள்ளது. பாத புண்கள், படர்தாமரை போன்றவைகளுக்கும், பாதங்களில் தொற்றுகள் ஏற்படாமலிருக்கவும் கடுகு எண்ணெயை தடவி வந்தால் குணமாகும்.

– எம். வசந்தா, சென்னை.

You may also like

Leave a Comment

9 + 5 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi