டெல்லி :மக்களவைத் தேர்தலில் பாஜக சார்பில் போட்டியிட்ட 15 ஒன்றிய அமைச்சர்கள், இணை அமைச்சர்கள் தோல்வியைத் தழுவி உள்ளனர்.
*ஸ்மிருதி இரானி: 2019ல் ராகுல் காந்தியை தோற்கடித்து அமேதி மக்களவைத் தொகுதியில் வெற்றி பெற்ற இரானி, காந்தி குடும்பத்தின் உதவியாளரான காங்கிரஸ் வேட்பாளர் கிஷோரி லால் சர்மாவிடம் தோல்வி அடைந்தார்.
*ராஜீவ் சந்திரசேகர்: கேரளாவின் திருவனந்தபுரம் மக்களவைத் தொகுதியில் மின்னணு மற்றும் தகவல் தொழில்நுட்பத் துறை இணை அமைச்சர் ராஜீவ் சந்திரசேகர் 16,077 வாக்குகள் வித்தியாசத்தில் காங்கிரஸின் சசி தரூரிடம் தோல்வியடைந்தார்.
*அஜய் மிஸ்ரா: உபி மாநிலம் லக்கிம்பூர் கெரியில் நடந்த வன்முறை தொடர்பான சர்ச்சையில் சிக்கிய ஒன்றிய உள்துறை இணை அமைச்சர் அஜய் மிஸ்ரா சமாஜ்வாதி கட்சியின் உட்கர்ஷ் சர்மாவை விட 34,329 வாக்குகள் வித்தியாசத்தில் தோல்வி அடைந்தார்.
*எல். முருகன்: ஒன்றிய மீன்வளம், கால்நடை பராமரிப்பு மற்றும் பால்வளத்துறை இணையமைச்சர் எல்.முருகன், நீலகிரி தொகுதியில் திமுகவின் ஆ.ராஜாவிடம் தோல்வி அடைந்தார்.
*அர்ஜுன் முண்டா: ஜார்க்கண்டின் குந்தி மக்களவைத் தொகுதியில், பழங்குடியினர் விவகார அமைச்சர் அர்ஜுன் முண்டா, காங்கிரஸ் வேட்பாளர் காளிசரண் முண்டாவை விட 1.49 லட்சம் வாக்குகள் வித்தியாசத்தில் தோல்வி அடைந்தார்.
*கைலாஷ் சவுத்ரி: விவசாயம் மற்றும் விவசாயிகள் நலத்துறை இணை அமைச்சர் கைலாஷ் சவுத்ரி ராஜஸ்தானின் பார்மரில் காங்கிரஸ் வேட்பாளர் உம்மடா ராம்பெனிவாலிடம் 4.17 லட்சம் வாக்குகள் வித்தியாசத்தில் தோல்வி அடைந்தார். அவர் மூன்றாவது இடத்திற்கு தள்ளப்பட்டார்.
*ராவ் சாகேப் தன்வே: மகாராஷ்டிரா மாநிலம் ஜால்னா தொகுதியில் களம் இறங்கிய ஒன்றிய அமைச்சர் ராவ் சாகேப் தன்வே, காங்கிரஸ் வேட்பாளர் கல்யாண் காலேவிடம் 1 லட்சம் ஓட்டு வித்தியாசத்தில் தோல்வி அடைந்தார்.
*சுபாஷ் சர்க்கார்: மேற்குவங்க மாநிலம் பங்குரா தொகுதியில் போட்டியிட்ட கல்வித்துறை இணையமைச்சர் சுபார் சர்க்கார் 32 ஆயிரம் ஓட்டு வித்தியாசத்தில் திரிணாமுல் வேட்பாளர் அரூப் சக்ரவர்த்தியிடம் தோல்வியடைந்தார்.
*நிதிஷ் பிரமணிக்: ஒன்றிய உள்துறை இணை அமைச்சர் நிதித் பிரமணிக் மேற்குவங்க மாநிலம் கூச்பெகர் தொகுதியில் திரிணாமுல் வேட்பாளர் ஜெகதீஷ்சந்திராவிடம் 39 ஆயிரம் ஓட்டு வித்தியாசத்தில் தோல்வி அடைந்தார்.
*சஞ்சீவ்பல்யாண்: ஒன்றிய கால்நடைத்துறை இணையமைசர் சஞ்சீவ்பல்யாண் முசாபர்நகர் மக்களவைத் தொகுதியில் சமாஜ்வாதி கட்சியின் ஹரேந்திர சிங் மாலிக்கிடம் 24,000 வாக்குகள் வித்தியாசத்தில் தோல்வியடைந்தார்.
* வி.முரளிதரன்: கேரளாவில் அட்டிங்கல் தொகுதியில் போட்டியிட்ட மத்திய வெளியுறவுத்துறை இணை அமைச்சர் வி.முரளிதரன், காங்கிரஸ் கட்சியின் சிட்டிங் எம்.பி. அடூர் பிரகாஷிடம் தோல்வியை சந்தித்துள்ளார். அதோடு மூன்றாம் இடத்தை பிடித்துள்ளார்.
* மகேந்திர நாத் பாண்டே: மத்திய கனரக தொழில்துறை அமைச்சராக இருந்த மகேந்திர நாத் பாண்டே உத்தரப் பிரதேசத்தில் சண்டௌலி தொகுதியில் தோல்வியடைந்தார்.
* கவுஷல் கிஷோர் : வீட்டு வசதி மற்றும் நகர்ப்புற விவகாரங்களுக்கான இணை அமைச்சர் கவுஷல் கிஷோர், மோகன்லால்கஞ்ச் தொகுதியில் சமாஜ்வாதி கட்சியின் ஆர்.கே.சவுத்ரியை எதிர்த்து 70,292 வாக்குகள் வித்தியாசத்தில் தோல்வியடைந்தார்.
*ராஜ்குமார் சிங் : மின்சாரம் மற்றும் புதுப்பிக்கத்தக்க எரிசக்தி துறை அமைச்சராக இருக்கும் ஆர்கே சிங்க் தோல்வியை தழுவியுள்ளார். கமயூனிஸ்ட் கட்சி வேட்பாளர் சுடமா பிரசாத்திடம் 59,808 வாக்குகள் வித்தியாசத்தில் தோல்வியை தழுவினார். பீகாரின் ஆரா தொகுதியில் போட்டியிட்ட ஆர் கேசிங்க் தோல்வி அடைந்துள்ளார் .
* சாத்வி நிரஞ்சன் ஜோதி : உத்தரப் பிரதேச மாநிலம் பதேப்பூர் தொகுதியில் ஒன்றிய நுகர்வோர் விவகாரத்துறை இணை அமைச்சர் சாத்வி நிரஞ்சன் ஜோதி தோல்வி அடைந்தார்.
