Friday, June 21, 2024
Home » மராத்தி டி.வி. சேனலை 3 நாட்கள் முடக்கும் உத்தரவுக்கு தடை

மராத்தி டி.வி. சேனலை 3 நாட்கள் முடக்கும் உத்தரவுக்கு தடை

by MuthuKumar

மும்பை: பாரதிய ஜனதா கட்சியின் மகாராஷ்டிரா மாநில துணை தலைவர் கிரித் சோமையா. இவர் முன்னாள் எம்.பி.யுமாவார். கிரித் சோமையா ஒரு பெண்ணுடன் இருப்பது போன்ற வீடியோ ஒன்றை லோக்சாகி என்ற மராத்தி டி.வி சேனல் ஜூலை மாதம் 17ம் தேதி ஒளிபரப்பியது. இது போன்ற 36 வீடியோக்கள் தங்களிடம் இருப்பதாகவும் அந்த சேனல் அறிவித்தது. இது அரசியலில் பெரும் பூகம்பத்தை கிளப்பியது.

இந்த நிலையில், இந்த வீடியோவை வெளியிட்ட மராத்தி டி.வி. சேனலை 72 மணி நேரம் முடக்குமாறு ஒன்றிய தகவல் ஒளிபரப்பு துறை அமைச்சகம் வெள்ளிக்கிழமை மாலை உத்தரவிட்டது. வெள்ளிக்கிழமை இரவு 7 மணியில் இருந்து ஞாயிற்றுக்கிழமை இரவு 7 மணி வரை டி.வி. சேனல் ஒளிபரப்பை நிறுத்த வேண்டும் என்றும் தகவல் ஒளிபரப்பு துறை அமைச்சகம் உத்தரவிட்டது.

இந்த நிலையில் சேனல் நிர்வாகிகள் ஒன்றிய அரசின் உத்தரவை எதிர்த்து டெல்லி ஐகோர்ட்டில் மனு தாக்கல் செய்தனர். மனுவை விசாரணை நடத்திய நீதிபதி, அமைச்சகத்தின் உத்தரவுக்கு தடை விதித்தார். இதனை தொடர்ந்து மராத்தி சேனல் சனிக்கிழமை இரவு 7 மணி முதல் மீண்டும் ஒளிபரப்பை தொடங்கியது.

You may also like

Leave a Comment

7 + eleven =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi