Wednesday, June 19, 2024
Home » மக்களவைத் தேர்தலில் I.N.D.I.A. கூட்டணி 300 தொகுதிகளுக்கு மேல் வெற்றி பெறும்: அரவிந்த் கெஜ்ரிவால் நம்பிக்கை!

மக்களவைத் தேர்தலில் I.N.D.I.A. கூட்டணி 300 தொகுதிகளுக்கு மேல் வெற்றி பெறும்: அரவிந்த் கெஜ்ரிவால் நம்பிக்கை!

by Neethimaan

டெல்லி: மக்களவைத் தேர்தலில் I.N.D.I.A. கூட்டணி 300 தொகுதிகளுக்கு மேல் வெற்றி பெறும் என அரவிந்த் கெஜ்ரிவால் தெரிவித்துள்ளார். நாடு முழுவதும் 543 தொகுதிகளுக்கான மக்களவை தேர்தல் 7 கட்டமாக நடந்து வருகிறது. இதுவரை 4 கட்ட தேர்தல் முடிவடைந்துள்ள நிலையில் நேற்று 5ம் கட்ட தேர்தல் நடந்து முடிந்தது. இன்னும் இரண்டு கட்ட தேர்தல் மட்டுமே உள்ள நிலையில், அரசியல் தலைவர்கள் தீவிர தேர்தல் பிரசாரத்தில் ஈடுபட்டுள்ளனர். டெல்லி முதலமைச்சரும், ஆம் ஆத்மி கட்சி தேசிய ஒருங்கிணைப்பாளருமான அரவிந்த் கெஜ்ரிவால் காணொலி வாயிலாக பேசினார்.

அப்போது; 5ம் கட்ட வாக்குப்பதிவுக்குப் பிறகு ஜூன் 4ம் தேதி இந்தியக் கூட்டணி ஆட்சி அமையும் என்பது உறுதியாகிவிட்டது. மக்களவைத் தேர்தலில் I.N.D.I.A. கூட்டணி 300 தொகுதிகளுக்கு மேல் வெற்றி பெறும். நரேந்திர மோடி 3-வது முறையாக பிரதமராக வர மாட்டார். நரேந்திர மோடியின் அரசு வெளியேறுகிறது. எனவே தனது ஆணவத்தை பிரதமர் நரேந்திர மோடி குறைத்துக் கொள்ள வேண்டும். இந்திய கூட்டணி அரசு வரும்போது, ​​நாடு முன்னேற்றம் மற்றும் வளர்ச்சிப் பாதையில் முன்னேறும்.

டெல்லியில் நேற்று அமித்ஷா பேரணி நடத்தினார். இந்த பேரணியில் 500க்கும் குறைவானவர்களே இருந்தனர். இங்கு அமித் ஷா நாட்டு மக்களை துஷ்பிரயோகம் செய்ய ஆரம்பித்தார். ஆம் ஆத்மி ஆதரவாளர்களை பாகிஸ்தானியர்கள் என்று அழைக்கத் தொடங்கினார். உனக்கு என்னுடன் பகை இருக்கிறது, என்னை துஷ்பிரயோகம் செய்கிறீர்கள். ஆனால் நாட்டு மக்களை துஷ்பிரயோகம் செய்தால் யாரும் பொறுத்துக்கொள்ள மாட்டார்கள். யோகியும் என்னை துஷ்பிரயோகம் செய்தார்.

உங்களின் உண்மையான எதிரிகள் உங்கள் கட்சியில் அமர்ந்திருக்கிறார்கள் என்பதை மிகவும் தாழ்மையுடன் சொல்ல விரும்புகிறேன். மக்களவை தேர்தலுக்கு பின், உங்களை முதல்வர் பதவியில் இருந்து நீக்க, நரேந்திர மோடியும், அமித்ஷாவும் ஆயத்தம் செய்துள்ளனர். நீங்கள் அவர்களை சமாளிக்க. ஜூன் 4-ம் தேதி இந்திய கூட்டணி ஆட்சி அமைய உள்ளது. இந்தியா காப்பாற்றப்பட வேண்டுமானால், இந்தியாவை வெற்றிபெறச் செய்ய வேண்டும். இந்தியா முன்னேற வேண்டுமானால் இந்தியா வெற்றி பெற வேண்டும் இவ்வாறு கூறினார்.

You may also like

Leave a Comment

four × two =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi