மேட்டூருக்கு நீர்வரத்து 3,446 கனஅடி

மேட்டூர்: ஒகேனக்கல் மற்றும் மேட்டூருக்கு நீர்வரத்து அதிகரிப்பதும், சரிவதுமாக உள்ளது. ஒகேனக்கல் காவிரியில் நீர்வரத்து 5,000 கனஅடியாக நீடிக்கிறது. மேட்டூர் அணைக்கு நேற்று முன்தினம், 4,524 கனஅடியாக இருந்த நீர்வரத்து, நேற்று 3,446 கனஅடியாக குறைந்துள்ளது. அணையில் இருந்து காவிரி டெல்டா பாசனத்திற்கு 6,500 கனஅடி தண்ணீர் திறக்கப்பட்டு வருகிறது. அணைக்கு வரும் நீரின் அளவை விட திறப்பு அதிகமாக உள்ளதால், நீர்மட்டம் சரிந்து வருகிறது. நேற்று முன்தினம் 37.50 அடியாக இருந்த நீர்மட்டம், நேற்று காலை 36.94 அடியாக சரிந்தது. நீர் இருப்பு 10.56 டிஎம்சியாக உள்ளது.