குட்டிக் குட்டி வீட்டுக் குறிப்புகள்!

ஜவ்வரிசியை வறுத்து பொடி செய்து வைத்துக்கொண்டு அடை, வடை, தோசை செய்யும்போது சிறிது ஜவ்வரிசி மாவையும் சேர்த்து செய்தால் மொறு மொறுவென்று இருக்கும்.
குலோப் ஜாமூன் கல் உருண்டை ஆகி விட்டால் ஜீராவுடன் சேர்த்து சிறிது நேரம் வைத்து விட்டால் மென்மையாகி விடும்.
இளசான முருங்கைக் கீரையை நன்கு அலம்பி எண்ணெய் விட்டு, உப்பு போட்டு நன்கு வதக்கி அதை சப்பாத்தி மாவுடன் போட்டு பிசைந்து மெல்லிய சப்பாத்தி செய்தால் ருசியாக இருக்கும்.
தக்காளிச் சட்னி செய்யும்போது அதில் சிறிது எள்ளை வறுத்து பொடி செய்து போட்டால் மனம் அதிகமாக இருக்கும்.
வெங்காயம் விரைவில் வதங்க எண்ணெயில் சிறிது உப்பை தூவி வதக்கினால் சிறிது நேரத்தில் பொன்னிறமாகி விடும்.
மாவில் பூச்சியோ, வண்டுகளோ வராமல் இருக்க, ஒரு ஸ்பூன் உப்பை சிறிய துணியில் முடிந்து மாவில் போட்டு வையுங்கள்.
பூண்டுடன் கேழ்வரகை கலந்து வைத்துக் கொண்டால் புழு பிடிக்காமல் நீண்ட நாட்கள் இருக்கும்.
டீத்தூளை சிறிது நேரம் வெயிலில் உலரவைத்து, பிறகு டீ போட்டு சாப்பிட அதிக மணத்துடன், ருசியுடனும் இருக்கும்.
மூன்று பங்கு அரிசிக்கு 1 பங்கு உளுந்து போட்டு அரைத்து எண்ணெய் இல்லாமல் தோசை வார்க்கலாம். ஆரம்பத்தில் தோசைக் கல்லின்மீது ெகாஞ்சம் எண்ணெய் தடவினால் போதும். தோசை. மெத்தென்றும் இருக்கும்.
பாசிப் பயறு, கேழ்வரகு இரண்டையும் மாவாக அரைத்து, பால், கருப்பட்டி கலந்து கஞ்சியாக்கி குழந்தைக்கு கொடுக்க எடை கூடும்.
காரம் சாப்பிட்டு நாக்கு எரிச்சலால் அவதிப்படுபவர்கள் ஐஸ் கட்டியை நாக்கில் வைத்தால் அதிலிருந்து விடுபடலாம்.
சாம்பார் செய்யும்போது துவரம் பருப்புடன், வேர்க்கடலை சேர்த்து வேகவைத்து செய்தால் சுவை கூடுதலாக இருக்கும்.
பரோட்டாவுக்கு மாவு பிசையும்போது, அதில் சிறிதளவு பால் பவுடர் கலந்து பிசைந்தால் பரோட்டா மெதுவாகவும், சுவையாகவும் இருக்கும்.
குருமா செய்யும்போது தேங்காயுடன் சிறிது பாதாம் பருப்பை சேர்த்து அரைத்து செய்தால் சுவையும், ஆரோக்கியமும் கூடும்.
வறுத்த வேர்க்கடலையை பொடியாக்கி, பொரியல், கூட்டு செய்யும்போது சேர்த்தால் சுவை கூடும்.
– எஸ்.விஜயலட்சுமி