Saturday, July 13, 2024
Home » அதிக கட்டணம் வசூலிக்கும் கல்லூரிகள் மீது நடவடிக்கை: மாணவர்கள் மற்றும் கல்வியாளர்கள் கோரிக்கை

அதிக கட்டணம் வசூலிக்கும் கல்லூரிகள் மீது நடவடிக்கை: மாணவர்கள் மற்றும் கல்வியாளர்கள் கோரிக்கை

by Karthik Yash

சென்னை: அரசு அறிவித்­ததை விட அதிக கல்விக் கட்­ட­ணத்தை வசூலிக்கும் கல்லூரிகள் மீது நடவடிக்கை எடுக்க வேண்டும் என மாணவர்­கள் கோரிக்கை விடுத்துள்ள­னர். தமிழ்­நாடு பல்­கலைக்­கழ­கங்­கள் மற்­றும் கல்­லூரி­கள் எஸ்சி, எஸ்டி ஆசி­ரியர் சங்­கத்தின் தலை­வர் கதிரவன் கூறிய­தா­வது: அனைத்து அரசு உதவிபெறும் கல்லூரி­களில் காலை வகுப்பு மாணவர்­களும், மாலை­யில் சுயநிதி மாணவர்­க­ளும் என இரண்டு தொகுதி­கள் அரசு ஒதுக்கீட்டில் அனுமதிக்கப்பட்டுள்­ளன. இந்நிலை­யில், அரசு நிர்­ண­யித்த கட்­ட­ணம், காலை வகுப்­புகளுக்கு ரூ.3 ஆயிரம் முதல் ரூ.5 ஆயிரமாக இருந்­தா­லும், அரசு உதவி பெறும் கல்லூரி­களில், குறிப்பாக, நாக் அந்­தஸ்து’ பெற்ற கல்லூரி­க­ளில் மாணவர்­க­ளி­டம், உண்­மை­யான தொகையை விட, ஐந்து முதல், ஆறு மடங்கு அதிக கட்­ட­ணம் வசூலிக்­கப்­ப­டுகி­றது. இதை அரசு கண்­கா­ணிக்க வேண்டும். மேலும் அரசு நிர்­ண­யித்த கட்டண விவரங்­களை இணை­ய­த­ளத்தில் வெளியி­ட­வேண்டும். மாணவர்­க­ளி­டம் அதிக கட்­ட­ணம் வசூலிக்கும் கல்லூரி­கள் குறித்து வெள்ளை அறிக்கை வெளி­யிட வேண்டும். மேலும், அரசு உத்­த­ரவை மீறி செயல்­ப­டும் கல்லூரிகளுக்கு நிதியு­தவி செய்­வதை நிறுத்த வேண்டும். அந்த நிறுவனங்களின் முதல்­வர்­களை சஸ்­பெண்ட் செய்ய வேண்டும். இவ்­வாறு கூறியுள்­ளார்.

பல்­க­லைக்­க­ழக ஆசிரியர் சங்­க தலை­வர் காந்­தி­ராஜ் கூறிய­தா­வது: தமிழ­கத்தில் 163 அரசு உதவி பெறும் கலை மற்­றும் அறிவியல் கல்லூரி­கள் உள்­ளன. இதில் 10 சத­வீத கல்­லூரி­கள் மட்­டுமே அரசு நிர்­ணயித்த கட்டண கட்­ட­மைப்பை கடை­பிடிக்கின்­றன. எனவே பொறியி­யல் மற்­றும் மருத்துவக் கல்­லூரி­க­ளுக்கு இணை­யான கட்­ட­ணக் கட்­டுப்­பாட்­டு குழுவை அமைக்க வேண்­டும் என்று கடந்த பத்­தாண்­டு­க­ளாக அரசை வலியுறுத்தி வருகி­றோம். இவ்­வாறு அவர் தெரிவித்தார். எங்­க­ளுக்கு புகார்­கள் வந்த கல்லூரி­கள் மீது நடவடிக்கை எடுக்­கப்­பட்­டுள்ளது. கட்­டண ஒழுங்­குமுறை குழுவை நியமிப்­பது குறித்து இயக்குனர­கம் கோரிக்­கையை பரிசீலித்து தேவையான நடவடிக்­கை­ எடுக்கும் என கல்லூரி கல்வி இயக்குனரக அதிகா­ரிகள் தெரிவித்தனர்.

You may also like

Leave a Comment

1 × 5 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi