Thursday, March 28, 2024
Home » தமிழ்நாட்டில் உள்ள 164 அரசு கலை, அறிவியல் கல்லூரிகளில் இளநிலை முதலாம் ஆண்டு படிப்பில் சேர 3 லட்சம் பேர் விண்ணப்பம்: கல்லூரி கல்வி இயக்கம் தகவல்

தமிழ்நாட்டில் உள்ள 164 அரசு கலை, அறிவியல் கல்லூரிகளில் இளநிலை முதலாம் ஆண்டு படிப்பில் சேர 3 லட்சம் பேர் விண்ணப்பம்: கல்லூரி கல்வி இயக்கம் தகவல்

by Arun Kumar

சென்னை: அரசு கலை மற்றும் அறிவியல் கல்லூரிகளில் மாணவர் சேர்க்கைக்கு சுமார் 3 லட்சம் பேர் விண்ணப்பித்துள்ளனர். தமிழகத்தின் 12-ஆம் வகுப்பு பொதுத்தேர்வு முடிவுகள் வெளியான நிலையில், மாணவர்கள் கலை மற்றும் அறிவியல், பொறியியல், மருந்துவம் உள்ளிட்ட படிப்புகளை தேர்வு செய்து படிக்கின்றனர். இந்த நிலையில் தமிழகத்தில் அரசு கலை மற்றும் அறிவியல் கல்லூரிகளில் சேருவதற்கு கடந்த மே 8-ம் தேதி முதல் விண்ணப்பிக்கலாம் என உயர்கல்வி அமைச்சர் பொன்முடி அறிவித்திருந்தார்

தமிழ்நாட்டில் உள்ள 164 அரசு கலை, அறிவியல் கல்லூரிகளில் இளநிலை முதலாம் ஆண்டு படிப்பில் சேர 3 லட்சம் விண்ணப்பங்கள் வந்துள்ளது. 1,07,395 இளநிலை பட்டப்படிப்பு இடங்களில் சேர மே 8 முதல் விண்ணப்பிக்கலாம் என்று அறிவிக்கப்பட்டது. மே 19-ம் தத்தி வரை விண்ணப்பிக்கலாம் என அறிவிக்கப்பட்ட நிலையில் கூடுதலாக 3 நாட்கள் அவகாசம் வழங்கப்பட்டது. கடைசி நாளான நேற்று மாலை வரை 2,99,558 விண்ணப்பபதிவு செய்யப்பட்டுள்ளதாக தெரிவிக்கப்பட்டுள்ளது.

முழுமையாக பூர்த்தி செய்யப்பட்ட விண்ணப்பங்கள் எண்ணிக்கை 2,44,104 ஆகும், இதில் மாணவர்கள் 1,15,752 பேரும், மாணவிகள் 1,28,274 பேரும் விண்ணப்பித்துள்ளனர். தரவரிசை பட்டியல் மே25-ல் வெளியிடபடும் என்றும் மே 29ம் தேதி முதல் கலந்தாய்வு துவங்கும் என்றும் கல்லூரி கல்வி இயக்கம் அறிவித்துள்ளது. ஜூன் 1 முதல் 10ம் தேதி வரை முதல் கட்ட கலந்தாய்வு நடைபெறும், ஜூன் 2-ம் தேதி முதல் 20ம் தேதி வரை இரண்டாம் கட்ட கலந்தாய்வு நடைபெறும். முதலாம் ஆண்டு மாணவர்களுக்கான வகுப்புகள் ஜூன் 26-ம் தேதி தொடங்கும் என்றும் தெரிவித்துக்கப்பட்டுள்ளது.

You may also like

Leave a Comment

seven − 3 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi