Saturday, June 22, 2024
Home » பிரெஞ்ச் ஓபன் டென்னிஸ்: முதல் சுற்றில் ஜோகோவிச், படோசா வெற்றி

பிரெஞ்ச் ஓபன் டென்னிஸ்: முதல் சுற்றில் ஜோகோவிச், படோசா வெற்றி

by Suresh

பாரீஸ்: கிராண்ட்ஸ்லாம் தொடர்களில் ஒன்றான பிரெஞ்ச் ஓபன் டென்னிஸ் தொடர் பிரான்ஸ் தலைநகர் பாரீசில் நடந்து வருகிறது. இதில் ஆடவர் ஒற்றையர் பிரிவில் நேற்றிரவு நடந்த முதல் சுற்று போட்டியில், நம்பர் 1 வீரரும், நடப்பு சாம்பியனுமான செர்பியாவின் 37 வயதான நோவக் ஜோகோவிச், 6-3,7-6,6-4 என்ற செட் கணக்கில், பிரான்சின் பியர்-ஹியூஸ் ஹெர்பர்ட்டை வீழ்த்தினார். நெதர்லாந்தின் டாலன் கிரீக்ஸ்பூர் 6-3,6-4,1-6,6-2 என அமெரிக்காவின் மெக்கன்சி மெக்டொனால்ட்டை வென்றார். டென்மார்க்கின் ஹோல்கர் ரூன், 6-4,6-4,6-4 என்ற நேர் செட்களில் இங்கிலாந்தின் டான் எவன்சையும், கஜகஸ்தானின் அலெக்சாண்டர் , 6-4,7-5,6-3 என பிரான்சின் கிரிகோயர் பாரேரையும் வீழ்த்தி 2வது சுற்றுக்குள் நுழைந்தனர்.

மகளிர் ஒற்றையர் பிரிவு முதல் சுற்றில், இன்று அதிகாலை நடந்த போட்டியில், ஸ்பெயினின் 26 வயதான பவுலா படோசா, 4-6,7-5,.6-4 என 26வது ரேங்க் வீராங்கனையான இங்கிலாந்தின் கேட்டி போல்டரைவென்றார். கஜகஸ்தானின் யூலியா புடின்ட்சேவா, 6-1,6-2 என அமெரிக்காவின் ஸ்லோன் ஸ்டீபன்சை வீழ்த்தினார். 19ம் நிலை வீராங்கனையான பெலாரசின் விக்டோரியா அசரென்கா, 6-1,6-0 என அர்ஜென்டினாவின் நதியா பொடோரோஸ்காவை எளிதாக தோற்கடித்தார். அமெரிக்காவின் மேடிசன்கீஸ் 6-3,6-2 என மெக்சிகோவின் ரெனாட்டா ஜராசுவாவையும், 2ம் நிலைவீராங்கனையான பெலாரசின் அரினா சபலென்கா, 6-1,6-2 என ரஷ்யாவின் எரிகா ஆண்ட்ரீவாவையும் வீழ்த்தி அடுத்த சுற்றுக்குள் நுழைந்தனர். இன்று 2வது சுற்று போட்டிகள் நடக்கிறது.

You may also like

Leave a Comment

one + sixteen =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi