Tuesday, June 18, 2024
Home » உணவுப் பொருட்களில் கலப்படத்தை எப்படி கண்டுபிடிப்பது?

உணவுப் பொருட்களில் கலப்படத்தை எப்படி கண்டுபிடிப்பது?

by Nithya

நன்றி குங்குமம் தோழி

சிக்கரி தூள்: காபித் தூளில் சிக்கரி கலந்துள்ளதா என்பதை அறிய ஒரு கண்ணாடி குவளையில் நீரை எடுத்துக்கொண்டு அதில் ஒரு தேக்கரண்டி காபி தூளை சேர்க்கவும். காபி தூள் மிதக்கும்.

தேநீர் தூள்: வடிகட்டும் தாளை எடுத்து அதில் சில தேநீர் இலைகளை பரப்பி வைக்கவும். பின்னர் குழாய் நீரில் வடிகட்டி தாளை கழுவவும். அதில் கறை இருந்தால் கலப்படம் என்பதை அறியலாம். தூய தேநீர் இலைகளாக இருந்தால் வடிகட்டி தாளில் கறை இருக்காது.

காய்கறி: தண்ணீரில் பஞ்சினை நனைத்து அதை பச்சைக் காய்கறிகள் மீதோ அல்லது மிளகாய் மீதோ தேய்க்கவும். பஞ்சு பச்சையாக மாறினால் பச்சை நிற கலப்படம் உள்ளது என்று பொருள்.

மஞ்சள் தூள்: மஞ்சள் பொடியில் செயற்கை வண்ணத்தை கலந்து இருப்பதை அறிய கண்ணாடி குவளையில் நீர் எடுத்து அதில் ஒரு தேக்கரண்டி மஞ்சள் பொடியை சேர்த்தால், இயற்கையான மஞ்சள் நிறமாக மாறும். கலப்படமாக இருந்தால் அடர் மஞ்சள் நிறமாக இருக்கும்.

மிளகாய் தூள்: ஒரு கண்ணாடி குவளையில் தண்ணீரை எடுத்துக் கொண்டு அதில் மிளகாய் பொடியை தூவவும். மரத்தூள் நீரின் மேற்பரப்பில் மிதக்கும், மிளகாய் பொடி நீரின் அடியில் தங்கும்.

மிளகு: சிறிதளவு மிளகை எடுத்து கண்ணாடி குவளையில் போடவும். தூய மிளகாக இருந்தால் டம்ளரின் அடியில் தேங்கும், கலப்படமாக இருந்தால் (பப்பாளி விதைகள்) நீரில் மிதக்கும்.

பால்: பளபளப்பான சுவற்றின் மேல் ஒரு சொட்டு பாலை தெளிக்கவும். பாலாக இருந்தால் அப்படியே இருக்கும் அல்லது வெண்மை தடம் பதிந்து மெதுவாக கீழே இறங்கும். நீர் கலப்படம் செய்யப்பட்டிருந்தால் வெண்மை தடம் பதிக்காமல் உடனே வழிந்துவிடும்.

நெய்: கண்ணாடி கிண்ணத்தில் அரை தேக்கரண்டி நெய் அல்லது வெண்ணெயை எடுத்துக்கொள்ளவும். அதில் அயோடினை 2 – 3 சொட்டுகள் சேர்க்கவும். நீலவண்ணம் தோன்றினால் நெய்யில் பிசைந்த உருளைக்கிழங்கு கலந்துள்ளது என்பதை அறியலாம்.

– சுந்தரி காந்தி, சென்னை.

You may also like

Leave a Comment

5 × 4 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi