சென்னை: கடத்தல் வழக்கில் கைதாகி சிறையில் சிறையில் உள்ளவரின் சொத்துகளும், அவரது இரண்டு மனைவி பெயரில் உள்ள சொத்துகளையும் ஒன்றிய அரசு பறிமுதல் செய்தது. இதை ரத்து செய்யக்கோரி அப்துல் மஜீத் என்பவரும் அவரது இரண்டு மனைவிகளும் சென்னை உயர் நீதிமன்றத்தில் வழக்கு தொடர்ந்தனர். இந்த வழக்குகள் நீதிபதிகள் எஸ்.எம்.சுப்பிரமணியம், சி.குமரப்பன் ஆகியோர் அடங்கிய அமர்வில் விசாரணைக்கு வந்தது.
அப்போது, மனுதாரர் தரப்பில் ஆஜரான மூத்த வழக்கறிஞர், மனுதாரர் அப்துல் மஜீத்தின் சொத்துகள் அவரின் மூதாதையரின் சொத்துகளாகும். இதை பரிசீலிக்காமல் ஒன்றிய அரசு கடத்தல் மற்றும் அன்னிய செலாவணி சட்டத்தின்கீழ் (சபேமா) அவர்களின் சொத்துகளை பறிமுதல் செய்துள்ளது என்று வாதிட்டார். வழக்கை விசாரித்த நீதிபதிகள், கடத்தல் மற்றும் அன்னிய செலாவணி மோசடி சட்டத்தின்கீழ் மனுதாரர்களுக்கு சம்பந்தப்பட்ட அதிகாரி அனுப்பிய நோட்டீசுக்கு உரிய முறையில் மனுதாரர்கள் பதில் தரவில்லை.
அவர்களின் சொத்துகள் குறித்து சரியான ஆவணங்களை தாக்கல் ெசய்யவில்லை. சொத்துகள் அனைத்தும் மஜீத்தின் வெளிநாட்டு வங்கி கணக்கிலிருந்தே வாங்கப்பட்டுள்ளது. எனவே, மனுதாரர்களின் சொத்துகளை பறிமுதல் செய்தது சரிதான். இந்த வழக்குகள் தள்ளுபடி செய்யப்படுகின்றன என்று உத்தரவிட்டனர்.
