தீபாவளி பண்டிகையை முன்னிட்டு கோ-ஆப்டெக்ஸ் அனைத்து கைத்தறி துணிகளுக்கும் 30% சிறப்பு தள்ளுபடி அளிக்கிறது. புதிய வடிவமைப்புகளில் காஞ்சிபுரம், ஆரணி, திருபுவனம் பட்டு புடவைகளும், நெகமம் சுங்கடி, கோவை கோரா, செட்டிநாடு பருத்தி புடவைகளும், சேலம் வேஷ்டிகள், பவானி ஜமுக்காளம், படுக்கை விரிப்புகள், போர்வைகள், ஆண்களுக்கான ஆயத்த ஆடைகள், லுங்கிகள் மற்றும் வேஷ்டிகள், கண் கவர் திரைச் சீலைகள், குர்தீஸ்கள், ஏற்றுமதி ரகங்கள் மற்றும் பிற மாநில கூட்டுறவு சங்கங்களின் படைப்புகளையும் சென்னை நகரம், செங்கல்பட்டு மற்றும் திருவள்ளூர் மாவட்டத்திலுள்ள கோ-ஆப்டெக்ஸ் விற்பனை நிலையங்களில் விற்பனைக்கு வைக்கப்பட்டுள்ளன.
எழும்பூர் தில்லையாடி வள்ளியம்மை பட்டு மாளிகையில் உள்ள கோ-ஆப்டெக்ஸில் ஏராளமான புதிய ரகங்கள் வரவழைக்கப்பட்டுள்ளன. குறிப்பாக லுங்கி, வேஷ்டிகள், ஆர்கானிக் ஆயத்த ஆடைகள், ஏற்றுமதி ரகம் மற்றும் கைத்தறி துணைப் பொருட்கள் என தனித்தனியே விற்பனை நிலையங்கள் திறக்கப்பட்டுள்ளன. ஆண்களுக்கென ஆயத்த ஆடைகளும் அறிமுகப்படுத்தப்பட்டுள்ளன. மாதாந்திர சேமிப்பு திட்டம் மூலம் பொதுமக்கள் தங்கள் வசதிற்கேற்ப ரூ.300 முதல் ரூ.3000 வரை 11 மாத சந்தா செலுத்தினால், 12வது மாத சந்தாவை கோ-ஆப்டெக்ஸ் நிறுவனமே செலுத்தும். ஆன்லைன் மூலம் மாதாந்திர தவணையை செலுத்தலாம். www.cooptex.gov.in என்ற இளையதள முகவரி மூலம் ஆன்லைன் விற்பனை செய்யப்படுகிறது.
