கொடைக்கானலில் பஸ்சில் டூவீலர் மோதி ராஜபாளையத்தை சேர்ந்த வாலிபர்கள் படுகாயம்

கொடைக்கானல், நவ. 29: ராஜபாளையம் பகுதியை சேர்ந்தவர்கள் கமலேஷ் (20), முத்துக்குமரன் (20). இவர்கள் டூவீலரில் கொடைக்கானலுக்கு சுற்றுலா சென்று விட்டு மீண்டும் ஊருக்கு புறப்பட்டனர். கமலேஷ் டூவீலரை ஓட்டினார். மலைச்சாலையில் வாழைகிரி அருகே வந்த போது டூவீலர் நிலைதடுமாறி சாய்ந்த நிலையில் சாலையில் உரசி கொண்டே சென்று, எதிர்திசையில் வத்தலக்குண்டுவில் இருந்து கொடைக்கானல் நோக்கி வந்த தனியார் பேருந்தின் முன்பக்கத்தில் மோதி விபத்திற்குள்ளானது.

இதில் பேருந்து சக்கர பகுதியில் சிக்கி 2 பேரும் படுகாயமடைந்தனர். பேருந்தில் வந்தவர்கள் இருவரையும் மீட்டு சிகிச்சைக்காக தேனி ஜிஹெச்சிற்கு அனுப்பி வைத்தனர். இந்த விபத்து தொடர்பான பதைபதைக்க வைக்கும் சிசிடிவி காட்சி சமூக வலைதளங்களில் வைரலாகி வருகிறது.