Dinakaran Cinema Button CINEMA Astrology Button ASTROLOGY  Magazines Logo VIDEOS Sun network Logo Epaper LogoEpaper Facebook
search-icon-img
Advertisement

பைக் பார்க்கிங் இடமாக மாறும் காங்கயம் அரசு மருத்துவமனை வளாகம்

காங்கயம், நவ.29: காங்கயம் பஸ்நிலையம் அருகே காங்கயம் அரசு தலைமை மருத்துவமனை அமைந்துள்ளது. தினமும் 500க்கும் மேற்பட்ட நோயாளிகள் வந்து மருத்துவ வசதி பெற்று செல்கின்றனர். இந்த காங்கயம் அரசு மருத்துவமனையில் காலை முதல் மாலை வரை வேலைக்கு செல்வோர், கடைவீதிகளுக்கு வருபவர்கள் தங்களின் வாகனங்களை இருசக்கர வாகன பார்க்கிங்கில் நிறுத்துவதற்கு பதிலாக மருத்துவமனை வளாகத்திலேயே அதிக அளவில் நிறுத்தப்படுகின்றன.

இதனால் நோயாளிகள் மற்றும் அவர்களை பார்க்க வரும் உறவினர்கள் வாகனங்களை நிறுத்த முடியாத நிலையும், ஆம்புலன்ஸ்கள் உள்ளே வராத நிலையும் ஏற்பட்டுள்ளது. இதனை மருத்துவமனை நிர்வாகமும் கண்டுகொள்வதில்லை என புகார் எழுந்துள்ளது. கடந்த ஒரு மாதத்தில் மட்டும் காங்கயம் அரசு மருத்துவமனையில் இருந்து வாகனங்கள் திருடு போனதாகவும் கூறப்படுகிறது. சம்பந்தபட்ட துறையினர் இது குறித்து உரிய நடவடிக்கை மேற்கொள்ளவேண்டும் என கோரிக்கை எழுந்துள்ளது.