வரும் 27 மற்றும் 29ம் தேதிகளில் கும்மிடிப்பூண்டி மார்க்க மின்சார ரயில்கள் ரத்து: தெற்கு ரயில்வே அறிவிப்பு

சென்னை, மார்ச் 25: கும்மிடிப்பூண்டி மார்க்க மின்சார ரயில்கள், வரும் 27, 29ம் தேதிகளில் ரத்து செய்யப்படுவதாக தெற்கு ரயில்வே அறிவித்துள்ளது. இதுகுறித்து தெற்கு ரயில்வே வெளியிட்ட அறிக்கை: சென்னை - கூடூர் வழித்தடத்தில் பொன்னேரி - கவரப்பேட்டை இடையே பராமரிப்பு பணிகள் நடைப்பெற உள்ளதால் வரும் 27, 29 ஆகிய தேதிகளில் மதியம் 1.20 மணி முதல் மாலை 5.20 மணி வரை சென்னை - கும்மிடிப்பூண்டி இடையே மின்சார ரயில்கள் ரத்து செய்யப்படுகிறது. அதன்படி, மூர்மார்க்கெட் - சூளூர்பேட்டை இடையே காலை 5.40 மணிக்கு இயக்கபடும் மின்சார ரயில் ரத்து செய்யப்படுகிறது. அதே போல் மூர்மார்க்கெட் - சூளூர்பேட்டை இடையே காலை 10.15, 12.10 மணிக்கு இயக்கப்படும் மின்சார ரயில், மூர்மார்க்கெட் - கும்மிடிப்பூண்டி இடையே காலை 10.30, 11.35, 1.40 மணிக்கு இயக்கப்படும் மின்சார ரயில்கள் ரத்து செய்யப்படுகிறது. மேலும், சென்னை கடற்கரை - கும்மிடிப்பூண்டி இடையே மதியம் 12.40 மணிக்கு இயக்கப்படும் மின்சார ரயில்கள் ரத்து செய்யப்படுகிறது.

மறுமார்க்கத்தில், கும்மிடிப்பூண்டி - மூர்மார்க்கெட் இடையே மதியம் 1, 3.45 மணிக்கு இயக்கப்படும் ரயில்கள் ரத்து செய்யப்படுகிறது. அதே போல் சூளூர்பேட்டை - மூர்மார்க்கெட் இடையே 12.35, 1.35, 3.10 மணிக்கு இயக்கப்படும் ரயில்கள் ரத்து செய்யப்படுகிறது. கும்மிடிப்பூண்டி - கடற்கரை இடையே மதியம் 2.30, 3.15, 4.30 மணிக்கு இயக்கப்படும் ரயில்கள் ரத்து செய்யப்படுகிறது. இந்த மின்சார ரயில்கள் ரத்து செய்யப்படுவதால், மூர்மார்க்கெட் - பொன்னேரி இடையே காலை 10.30, 11.35, 1.40, மணிக்கும், கடற்கரை - பொன்னேரி இடையே மதியம் 12.40, 2.40 மணிக்கும் சிறப்பு ரயில்கள் இயக்கப்படும். மறுமார்க்கத்தில் பொன்னேரியில் இருந்து மதியம் 1.18, 3, 4, 4.15, 4.45 மணிக்கு சிறப்பு ரயில்கள் இயக்கப்படும். இவ்வாறு அறிக்கையில் கூறப்பட்டுள்ளது.