பெரம்பலூரில் கவிதைநூல் வெளியீட்டு விழா

பெரம்பலூர், ஆக. 18: பெரம்பலூரில் நடந்த விழாவில் அரியலூர் அரசுக் கல்லூரி வணிகவியல் துறைத் தலைவர் துரை. இளங்கோவன் எழுதிய கவிதை நூலை பெரம்பலூர் மாவட்ட தமிழ்வளர்ச்சித் துறை உதவி இயக்குனர் சுகன்யா வெளியிட்டார். பெரம்பலூரில் பதியம் இலக்கியச் சங்கமம் சார்பில் அரியலூர் அரசுக் கல்லூரி வணிகவியல் துறை தலைவர் எழுத்தாளர் துரை. இளங்கோவன் எழுதிய, \”கவிதைக் காற்றின் கனவுப் பயணம்\” கவிதை நூல் வெளியீட்டு விழா நடைபெற்றது. அரியலூர் அரசு கலை அறிவியல் கல்லூரியின் முன்னாள் இணைப் பேராசிரியர் தமிழ்மாறன் தலைமைவகித்தார். கதை நூலினை பெரம்பலூர் மாவட்ட தமிழ் வளர்ச்சித் துறையின் உதவி இயக்குனர் சுகன்யா வெளியிட, முதல் நூலினை பதியம் இலக்கியச் சங்கமத்தின் புரவலர் சாரங்கபாணி பெற்றுக் கொண்டார்.