லாரி மோதியதில் காவலாளி பலி

பாலக்காடு, நவ.29: கேரள மாநிலம் எர்ணாகுளம் அரசு பேருந்து நிலையம் பகுதியைச் சேர்ந்தவர் சுனில் (56). இவர் மணப்புரம் பகுதியிலுள்ள தனியார் குடியிருப்பு வீடுகளில் காவலராகப் பணியாற்றி வந்தார். அவர் நேற்று மாலை டூவீலரில் பணிக்கு வந்து கொண்டிருந்தார்.

அப்போது பரவூர் சிக்னல் சந்திப்பில் சாலையின் குறுக்கே கடந்தபோது லாரி ஒன்று அவர் மீது மோதியது. இதில் பலத்த காயமடைந்த அவரை அக்கம்பக்கத்தினர் மீட்டு எர்ணாகுளம் மாவட்ட அரசு மருத்துவமனைக்கு அனுப்பி வைத்தனர். அங்கு சிகிச்சைப் பலனின்றி அவர் உயிரிழந்தார்.