தோனிமடுவு பள்ளத்தின் குறுக்கே தடுப்பணை, நிபந்தனை பட்டா நீக்கம்

அந்தியூர், நவ.29: பர்கூர் மலைப்பகுதியில் பெய்யும் மழைநீர் காட்டாற்று வெள்ளமாக ஓடும் தோனிமடுவு பள்ளத்தில் தடுப்பணை கட்டி, அந்தியூர் தொகுதியில் உள்ள ஏரிகள், குளங்களில் நிரப்ப வேண்டும் என விவசாயிகள் நீண்டகாலமாக கோரிக்கை விடுத்து வருகின்றனர். மேலும், அந்தியூர் தொகுதியில் நீண்ட காலமாக நிபந்தனையுடன் உள்ள நிலங்களுக்கு நிபந்தனை நீக்க நடவடிக்கை எடுக்க வேண்டும் எனவும் வலியுறுத்தி வந்தனர்.

இந்நிலையில், ஈரோட்டில் நடைபெற்ற விழாவில், தோனிமடுவு பள்ளத்தின் குறுக்கே ரூ.4 கோடியில் புதிய தடுப்பணை அமைக்கப்படும். நிபந்தனை பட்டாக்களின் மீதுள்ள நிபந்தனைகள் நீக்கப்படும் என தமிழக முதல்வர் மு.க.ஸ்டாலின் அறிவித்தார். இதற்காக அந்தியூர் தொகுதி மக்களின் சார்பில் முதல்வருக்கு எம்எல்ஏ ஏ.ஜி.வெங்கடாச்சலம் நன்றி தெரிவித்துள்ளார்.