ரூ.13 லட்சத்திற்கு பட்டுக்கூடு ஏலம்

தர்மபுரி, ஆக.19: தர்மபுரி பட்டுக்கூடு ஏல அங்காடியில், வரத்து சரிவால் நேற்று பட்டுக்கூடுகள் மொத்தம் ரூ.13 லட்சத்திற்கு ஏலம் போனது. தர்மபுரி பட்டுவளர்ச்சி துறை சார்பில், பட்டுக்கூடு ஏல அங்காடி தர்மபுரி நான்கு ரோடு அருகே செயல்பட்டு வருகிறது. இந்த அங்காடிக்கு தர்மபுரி,பென்னாகரம், பாலக்கோடு, மாரண்டஹள்ளி பகுதிகளில் இருந்தும்,ஈரோடு சித்தோடு, சத்தியமங்கலம், கரூர், திருவண்ணாமலை பகுதிகளில் இருந்தும் தினமும் 30க்கும், மேற்பட்ட விவசாயிகள் பட்டுக்கூடுகளை கொண்டு வந்து ஏலத்தில் பங்கேற்கின்றனர்.

தர்மபுரி ஏல அங்காடியில், தாங்கள் கொண்டுவரும் பட்டுக் கூடுகளுக்கு அதிகபட்ச விலை கிடைப்பதால், ஏராளமான விவசாயிகள் ஏலத்தில் கலந்து கொள்கின்றனர். தர்மபுரி மற்றும் சுற்றுவட்டாரங்களை சேர்ந்த 30 விவசாயிகள் 1614 கிலோ வெண் பட்டுக்கூடுகளை கொண்டு வந்திருந்தனர். ஆக மொத்தம் ரூ.13 லட்சத்து 7 ஆயிரத்து 283க்கு ஏலம் போனது.